କେନ୍ଦ୍ର ଉପରେ ବର୍ଷିଲେ ସୋନିଆ- ‘ସମ୍ବିଧାନର ମୂଲ୍ୟ ଓ ପରମ୍ପରା ବିରୋଧରେ ମୋଦି ସରକାର’

1 min read
Sonia Gandhi To Finalize New Chief Minister Of Punjab

ନୂଆଦିଲ୍ଲୀ: ଦେଶ ୭୪ତମ ସ୍ୱାଧୀନତା ଦିବସ ପାଳନ କରୁଛି । ଏହାରି ଭିତରେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧି ଦେଶବାସୀଙ୍କୁ ଶୁଭକାମନା ଜଣାଇଛନ୍ତି । ଏଥିସହ ସୋନିଆ ମୋଦି ସରକାରଙ୍କ ଉପରେ ଭୀଷଣ ବର୍ଷିଛନ୍ତି । ସୋନିଆ ଗାନ୍ଧି କହିଛନ୍ତି- ସରକାର ପ୍ରଜାତାନ୍ତ୍ରିକ ବ୍ୟବସ୍ଥା, ସମ୍ବିଧାନ ମୂଲ୍ୟ ଓ ସ୍ଥାପିତ ପରମ୍ପରାର ବିପରୀତ ଦିଗରେ ଛିଡ଼ା ହେଉଛନ୍ତି ।

ସୋନିଆ ଗାନ୍ଧି ଦେଶବାସୀଙ୍କୁ ସ୍ୱାଧୀନତା ଦିବସର ଶୁଭେଚ୍ଛା ଦେବା ସହ କହିଛନ୍ତି- ବିଶ୍ୱରେ ଭାରତବର୍ଷର ଖ୍ୟାତି ରହିଛି । କେବଳ ପ୍ରଜାତାନ୍ତ୍ରକି ମୂଲ୍ୟ ଓ ବିଭିନ୍ନ ଭାଷା, ଧର୍ମ, ସମ୍ପ୍ରଦାୟ ଯୋଗୁଁ ଏହା ସମ୍ଭବ । ଭାରତ ପ୍ରତିକୂଳ ପରିସ୍ଥିତିକୁ ଏକତାର ସହ ସାମନା କରୁଥିବାରୁ ସାରା ଦୁନିଆ ତାକୁ ଜାଣେ ।

ସେ ଆହୁରି କହିଛନ୍ତି- ସମଗ୍ର ବିଶ୍ୱ ମହାମାରୀ କରୋନା ସହ ଲଢ଼ୁଛି । ଏତିକି ବେଳେ ଭାରତ ଏକଜୁଟ୍ ହୋଇ ମହାମାରୀକୁ ହରାଇବା ଦରକାର । ମୁଁ ସମ୍ପୂର୍ଣ୍ଣ ଆତ୍ମବିଶ୍ୱାସର ସହ କହିପାରିବି ଆମେ ସବୁ ମିଶିକରି ଏହି ମହାମାରୀକୁ ପରାସ୍ତ କରିବା ସହ ଗମ୍ଭୀର ଆର୍ଥିକ ସଂକଟରୁ ବାହାରକୁ ଆସିପାରିବା ।

ବିଗତ ୭୪ ବର୍ଷ ମଧ୍ୟରେ ଆମେ ସମ୍ବିଧାନ ପ୍ରଦତ୍ତ ପ୍ରଜାତାନ୍ତ୍ରିକ ମୂଲ୍ୟକୁ ସମୟ ସମୟରେ ପରୀକ୍ଷା କରିଛେ । ଏବଂ ତାକୁ ଆହୁରି ପରିପ୍ୱକ କରିଛେ । ଆଜି ଏମିତି ଅନୁଭବ ହେଉଛି କି ସରକାର ପ୍ରଜାତାନ୍ତ୍ରିକ ବ୍ୟବସ୍ଥ, ସମ୍ବିଧାନ ମୂଲ୍ୟ ଓ ସ୍ଥାପିତ ପରମ୍ପରାର ବିପରୀତ ଦିଗରେ ଅଛନ୍ତି । ଭାରତୀୟ ଲୋକତନ୍ତ୍ର ପାଇଁ ଏହା ପରୀକ୍ଷାର ସମୟ ବୋଲି ସେ କହିଛନ୍ତି ।

ଚୀନ ଓ ଭାରତୀୟ ସେନା ଭିତରେ ହୋଇଥିବା ହିଂସାତ୍ମକ ସଂଘର୍ଷ ଉପରେ ସୋନିଆ ଗାନ୍ଧି ମତ ରଖିଛନ୍ତି । କର୍ଣ୍ଣେଲ ସନ୍ତୋଷ ବାବୁ ଓ ଆମର ୨୦ ଜଣ ଯବାନ ଗଲବାନ ଘାଟିରେ ସହିଦ ହେବାକୁ ୬୦ ଦିନ ବିତିଛି । ମୁଁ ସେମାନଙ୍କୁ ମନେ ପକାଇବା ସହ ବୀରତ୍ୱକୁ ସଲାମ କରୁଛି । ସରକାରଙ୍କୁ ନିବେଦନ କରୁଛି ସେମାନଙ୍କୁ ମନେ ରଖିବା ସହ ଉଚିତ୍ ସମ୍ମାନ ଦିଅନ୍ତୁ । ଭାରତମାତାକୁ ରକ୍ଷା ଓ ଚୀନର ଅନୁପ୍ରବେଶକୁ ବିଫଳ କରିବା ହିଁ ସେମାନଙ୍କ ପ୍ରତି ଶ୍ରଦ୍ଧାଞ୍ଜଳି ହେବ ।

ବିପକ୍ଷଙ୍କ ଉତ୍ତରଦାୟିତ୍ୱ

ସୋନିଆ ଗାନ୍ଧି କହିଛନ୍ତି- ଆଜି ପ୍ରତିଟି ଦେଶବାସୀଙ୍କୁ ଭାବିବା ଉଚିତ୍ ଯେ ଆଜାଦି ବା ସ୍ୱାଧୀନତାର ମାନେ କଣ ? କଣ ଆଜି ଦେଶରେ ଲେଖିବା, କହିବା, ପ୍ରଶ୍ନ ପଚାରିବା, ଅସମହତି ପ୍ରକାଶ କରିବା, ମତ ରଖିବା, ଉତ୍ତରଦାୟୀ ହେବାକୁ ବାଧ୍ୟ କରିବା ସ୍ୱାଧୀନତା ? ପ୍ରତିପକ୍ଷ ବ ବିରୋଧୀ ହିସାବରେ ଆମର ଉତ୍ତରଦାୟିତ୍ୱ ହେଉଛି ଭାରତର ପ୍ରଜାତାନ୍ତ୍ରିକ ସ୍ୱାଧୀନତାକୁ ଅକ୍ଷୂର୍ଣ୍ଣ ରଖିବା ପାଇଁ ଯଥାସମ୍ଭବ ସଂଘର୍ଷ କରିବା ।

Leave a Reply