ହିମାଚଳର ମୁଖ୍ୟମନ୍ତ୍ରୀ ମୁକୁଟ ପିନ୍ଧିବେ ସୁଖବୀନ୍ଦର

ଶିମଲା: ବହୁ ବାଦ-ବିବାଦ ଏବଂ ମାନସମନ୍ଥନ ପରେ ପାହାଡୀ ହିମାଚଳର ମୁକୁଟ ପିନ୍ଧିବାକୁ ଯାଉଛନ୍ତି କଂଗ୍ରେସର ବରିଷ୍ଠ ନେତା  ସୁଖବୀନ୍ଦର ସିଂ ସୁଖୁ  । କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକରେ ହାଇକମାଣ୍ଡ ଦେଇଛନ୍ତି  ନିଷ୍ପତ୍ତି  । ହେବେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ହେବେ ସୁଖବୀନ୍ଦର ସିଂ ସୁଖୁ  ।  ମୁଖ୍ୟମନ୍ତ୍ରୀ ପଦ ନେଇ ଚାଲିଥିବା ବିବାଦରେ ପଡିଲା ଯବନୀକା  । ତୁଟିଲା କଂଗ୍ରେସର କନ୍ଦଳ  । କଂଗ୍ରେସ ବିଧାୟକ ଦଳ ବୈଠକ ଆରମ୍ଭ ହୋଇଛି  । ବୈଠକ ପରେ ଆଜି ସଂଧ୍ୟାରେ ମୁଖ୍ୟମନ୍ତ୍ରୀଙ୍କ ନାମକୁ ନେଇ ହେବ ବଡ଼ ଘୋଷଣା  । କେତେଜଣ ମୁଖ୍ୟମନ୍ତ୍ରୀ ହେବେ, କେତେଜଣ କ୍ୟାବିନେଟରେ ସ୍ଥାନ ପାଇବେ ସେନେଇ ମଧ୍ୟ ଦଳୀୟ ହାଇ କମାଣ୍ଡ ନିଷ୍ପତ୍ତି ନେବେ ବୋଲି ସୂଚନା ରହିଛି  ।

ପାହାଡି ରାଜ୍ୟ ହିମାଚଳ ପାଇଲା ନୂଆ ମୁଖ୍ୟମନ୍ତ୍ରୀ । ଥମିଲା ବିବାଦ, ଏକଜୁଟ୍ ହେଲେ କଂଗ୍ରେସ ବିଧାୟକ । ସୁଖବିନ୍ଦର ସିଂ ସୁଖୁ ହେବେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ । ପ୍ରତିଭା ସିଂଙ୍କ ମୁଖ୍ୟମନ୍ତ୍ରୀ ରେସ୍‌ରୁ ଆଉଟ୍‌ । ଲୋକସଭା ସାଂସଦ ଯୋଗୁଁ ପ୍ରତିଭା ସିଂ ପଛରେ ପଡିଗଲେ । ସୁଖବିନ୍ଦର ସିଂହ ହିମାଚଳ କଂଗ୍ରେସର ଜଣେ ଟାଣୁଆ ନେତା । ଦଳ ପ୍ରତି ରହିଛି ନିଷ୍ଠା ଓ ରାଜନୀତିରେ ବିଚକ୍ଷଣ । ସମାଜସେବାରେ ରହିଛି ଆଗ୍ରହ । ଦୀର୍ଘ ୪୦ ବର୍ଷ ଧରି କଂଗ୍ରେସ ସହ ଜଡ଼ିତ ସୁଖବିନ୍ଦର ସିଂ ସୁଖୁ । ରାଜ୍ୟବାସୀଙ୍କ ଆଗରେ ତାଙ୍କର ସ୍ବତନ୍ତ୍ର ଇମେଜ ରହିଛି । ଖାସ ଏଇଥିପାଇଁ ଲଗାତାର ତୃତୀୟ ଥର ପାଇଁ ବିଧାୟକ ହୋଇଥିବା ସୁଖବିନ୍ଦର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି ।

ଏମିତିରେ ଅଧାରୁ ଅଧିକ ବିଧାୟକ ସୁଖବିନ୍ଦର ସିଂଙ୍କ ସମର୍ଥନରେ ଥିବା ତାଙ୍କୁ ବିରୋଧ କରି ଦଳର ହାଇକମାଣ୍ଡ କୌଣସି ପ୍ରକାର ରିସ୍କ ନେବାକୁ ଚାହୁଁନଥିବା ସ୍ପଷ୍ଟ ହୋଇଛି ।
ନାଦାଉନରୁ ବିଧାୟକ ଅଛନ୍ତି ସୁଖବିନ୍ଦର । ପାଠ ପଢୁ ପଢୁ ରାଜନୀତି ଆରମ୍ଭ କରିଥିଲେ ସୁଖବିନ୍ଦର ସିଂ । ଆଇନରେ ଅଧ୍ୟୟନ ପରେ ଛାତ୍ର ରାଜନୀତିରେ ସକ୍ରିୟ ଭୂମିକା ଗ୍ରହଣ କରିଥିଲେ । ୧୯୮୮ରୁ ୧୯୯୫ ପର୍ଯ୍ୟନ୍ତ ଏନଏସୟୁଆଇର ଅଧ୍ୟକ୍ଷ ମଧ୍ୟ ଥିଲେ । ଏଇଥିପାଇଁ ତୃଣମୂଳ ରାଜନୀତିରେ ସୁଖବିନ୍ଦରଙ୍କର ଦବାଦବା ରହିଛି । ରାଜନୀତିରେ ବଡ଼ ବଡ଼ ନେତାଙ୍କୁ ଟକ୍କର ଦେବା ଭଳି ସାହସ ରଖିଛନ୍ତି ସୁଖବିନ୍ଦର ।

କଂଗ୍ରେସର ବରିଷ୍ଠ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ବିରଭଦ୍ର ସିଂଙ୍କୁ ମଧ୍ୟ ଅନେକ ଥର ବିରୋଧ କରି ସଫଳ ହୋଇଛନ୍ତି । ଯଦିଓ ଦଳୀୟ କନ୍ଦଳ ପଦାରେ ପଡିଛି ହେଲେ ସୁଖବିନ୍ଦରଙ୍କ ବିରୋଧରେ କୌଣସି ପଦକ୍ଷେପ ନେବା ପାଇଁ ପୂର୍ବତନ ମୁଖ୍ୟମନ୍ତ୍ରୀ ପଛଘୁଁଚା ଦେଇଛନ୍ତି । ସୁଖବିନ୍ଦରଙ୍କ ନାଁ ଘୋଷଣା ପରେ ମୁଖ୍ୟମନ୍ତ୍ରୀ ଆଶାୟୀ ଥିବା ଲୋକସଭା ସାଂସଦ ପ୍ରତିଭା ସିଂଙ୍କ ସମର୍ଥକ ମାନେ ବିରୋଧ ଆରମ୍ଭ କରିଦେଇଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ବିରଭଦ୍ର ସିଂ ଦେହାନ୍ତ ପରେ ତାଙ୍କ ପତ୍ନୀ ପ୍ରତିଭା ସିଂକୁ ଥରେ ସୁଯୋଗ ଦେବାକୁ ସମର୍ଥକ ମାନେ ଅପିଲ କରିଛନ୍ତି । ଶୁକ୍ରବାର ବିଧାୟକ ଦଳ ବୈଠକରେ ମଧ୍ୟ ସେମାନେ ବିରୋଧ କରିଥିଲେ ।