ଏକମୋ ଚିକିତ୍ସା ସେବା ପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ କଂଗ୍ରେସ ବିଧାୟକ

ଭୁବନେଶ୍ୱର: ପୂର୍ବ ଭାରତର ପ୍ରଥମ ଏକମୋ ହବ୍ ହୋଇଛି କଟକ ଏସସିବି ମେଡିକାଲ । ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ବଡ଼ ମେଡ଼ିକାଲରେ ଏକମୋ ସେବା ଉଦଘାଟନ କରିଛନ୍ତି । ରାଜ୍ୟର ସମସ୍ତ ଜନତାଙ୍କୁ ଏହି ବ୍ୟୟ ବହୁଳ ଚିକିତ୍ସା ସେବା ଏସସିବିରେ ସମ୍ପୂର୍ଣ୍ଣ ମାଗଣାରେ ଯୋଗାଇ ଦିଆଯିବ ।

ଗତକାଲି ମାନ୍ୟବର ମୁଖ୍ୟମନ୍ତ୍ରୀ କଟକ ବଡ଼ ମେଡ଼ିକାଲରେ ଇକମୋ ସେବା ଉଦ୍ଘାଟନ କଲେ ଯାହା ସମ୍ପୂର୍ଣ୍ଣ ମାଗଣା । ପୂର୍ବ ଭାରତର ପ୍ରଥମ ଇକମୋ ଚିକିତ୍ସା ହେଉଥିବା ରାଜ୍ୟ ଭାବରେ ଓଡ଼ିଶାକୁ ପରିଚିତ କରାଇଥିବାରୁ ନବୀନ ବାବୁଙ୍କୁ ଅନେକ ଅନେକ ଧନ୍ୟବାଦ । ଏହା ଅନେକ ଲୋକଙ୍କ ପାଇଁ ବରଦାନ ପ୍ରମାଣିତ ହେବ ଏବଂ ଅନେକ ଲୋକ ଉପକୃତ ହୋଇପାରିବେ । pic.twitter.com/v6SefzMDNp

— Taraprasad Bahinipati / ତାରାପ୍ରସାଦ ବାହିନୀପତି (@bhalubh55) August 28, 2021

ପୂର୍ବ ଭାରତର ପ୍ରଥମ ଏକମୋ ଚିକିତ୍ସା ହେଉଥିବା ରାଜ୍ୟ ଭାବରେ ଓଡ଼ିଶାକୁ ପରିଚିତ କରାଇଛନ୍ତି । ଏଥିପାଇଁ ମୁଖ୍ୟମନ୍ତ୍ରୀଙ୍କୁ ଅନେକ ଅନେକ ଧନ୍ୟବାଦ ଜଣାଇଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି । ଏକମୋ ଅନେକ ଲୋକଙ୍କ ପାଇଁ ବରଦାନ ପ୍ରମାଣିତ ହେବ ଏବଂ ଅନେକ ଲୋକ ଉପକୃତ ହୋଇପାରିବେ ବୋଲି କହିଛନ୍ତି ତାରା ।