ବିଜେଡିର ଉଦ୍ୟମକୁ ସୁର ରାଉତରାୟଙ୍କ ସ୍ବାଗତ
ଭୁବନେଶ୍ବର: ସମ୍ବିଧାନର ମୁଖବନ୍ଧରେ ଅହିଂସା ଶବ୍ଦକୁ ସ୍ଥାନ ଦେବା ପାଇଁ ବିଜେଡିର ଉଦ୍ୟମକୁ କଂଗ୍ରେସ ବିଧାୟକ ସୁରେଶ କୁମାର ରାଉତରାୟଙ୍କ ସ୍ବାଗତ । ସମ୍ବିଧାନର ମୁଖବନ୍ଧରେ ଅହିଂସା ଶବ୍ଦକୁ ସ୍ଥାନ ଦେବା ପାଇଁ ରାଜ୍ୟସଭାରେ ବିଜେଡି ବେସରକାରୀ ବିଲ ଆଗତ କରିଛି । ବିଲକୁ କଂଗ୍ରେସ ବିଧାୟକ ସୁରେଶ ରାଉତରାୟ ସ୍ବାଗତ କରିଛନ୍ତି ।
ସେ କହିଛନ୍ତି, ‘ଗାନ୍ଧିଜୀଙ୍କୁ ସମ୍ମାନ ପାଇଁ ସମ୍ବିଧାନର ମୁଖବନ୍ଧରେ ଅହିଂସା ଶବ୍ଦ ସ୍ଥାନ ପାଇବା ଦରକାର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏନେଇ ପଦକ୍ଷେପ ନେଇଛନ୍ତି । ବିଧାନସଭାରେ ବି ସଂକଳ୍ପ ପାରିତ ହୋଇଛି।’
