କେନ୍ଦ୍ର ସରକାର ଚାଷୀଙ୍କ ପେଟକୁ ଲାତ ମାରିଛନ୍ତି: ସୁର ରାଉତରାୟ

ଭୁବନେଶ୍ୱର: ଧାନ ଏମଏସପି ପ୍ରସଙ୍ଗରେ କେନ୍ଦ୍ର ଉପରେ ବର୍ଷିଲେ କଂଗ୍ରେସ ବିଧାୟକ ସୁର ରାଉତରାୟ। କେନ୍ଦ୍ର ସରକାର ଚାଷୀଙ୍କ ପେଟକୁ ଲାତ ମାରିଛନ୍ତି l ଶିଳ୍ପପତିଙ୍କ ପ୍ରତି ପ୍ରୀୟlପ୍ରିତି ଦେଖାଉଛନ୍ତି, ହେଲେ ଚାଷୀଙ୍କୁ ହତାଶ କରୁଛନ୍ତି।

ଧାନ କିଣା ଅର୍ଥ ୮୦ପ୍ରତିଶତ ହ୍ରାସ କରିଛନ୍ତି କେନ୍ଦ୍ର ସରକାର। ଧାନ କିଣାରେ କେନ୍ଦ୍ର ୨୦ହଜାର କୋଟି କାଟିଦେଇଛି। ଧାନର ଏମଏସପି ୨୯୩୦ଟଙ୍କା କରିବାକୁ ଦାବି ହୋଇଛି। ବିଧାନସଭାରେ ସର୍ବସମ୍ମତି କ୍ରମେ ଏମଏସପିକୁ ୨୯୩୦ଟଙ୍କା କରିବାକୁ ସଂକଳ୍ପ ପାରିତ ହୋଇଥିଲା l ତାହା ଏଯାଏ କାର୍ଯ୍ୟକାରୀ କରାଯାଇନାହିଁ l କଣ ପାଇଁ କରାଯାଉନାହିଁ ବୋଲି ପ୍ରଶ୍ନ କଲେ ସୁର?

ଆଉ ବିଳମ୍ବ ନ କରି ତାହାକୁ ଲାଗୁ କରିବାକୁ କେନ୍ଦ୍ର ସରକାରଙ୍କୁ ଅନୁରୋଧ କଲେ ସୁର। ଧାନ କିଣାରେ ୨୦ହଜାର କୋଟି ହ୍ରାସ ପାଇଛି। ଚାଷୀଙ୍କୁ ତାଙ୍କ ହକ ଦିଅ ବୋଲି କହିଛନ୍ତି। କେନ୍ଦ୍ର ସରକାର ଏହାକୁ ନ ମାନିଲେ ରାଜରାସ୍ତାକୁ ଓହ୍ଲାଇବୁ ବୋଲି ଚେତାବନୀ ଦେଇଛନ୍ତି କଂଗ୍ରେସର ବରିଷ୍ଠ ବିଧାୟକ ସୁରେଶ ରାଉତରାୟ ।