ମ୍ୟାନେଜ୍ ମନ୍ତବ୍ୟ ପାଇଁ ବିଜେପି ମୁଖପାତ୍ର ସମ୍ବିତ ପାତ୍ରଙ୍କ ବିରୋଧରେ ମାନହାନୀ ମକଦ୍ଦମା
ଭୁବନେଶ୍ୱର: ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ ବିରୋଧରେ ମାନହାନୀ ମକଦ୍ଦମା ହୋଇଛି । କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ମାନହାନୀ ମକଦ୍ଦମା କରିଛନ୍ତି । ବହୁଚର୍ଚ୍ଚିତ ନୟାଗଡ଼ ଯଦୁପୁର ପରୀ ମାମଲାରେ କଂଗ୍ରେସ ଟଙ୍କା ନେଇ ମ୍ୟାନେଜ ହୋଇ ଯାଇଥିବା ସମ୍ବିତ ପାତ୍ର କହିଥିଲେ ।
ଏହି ମନ୍ତବ୍ୟ ପରେ ସମ୍ବିତ କ୍ଷମା ମାଗନ୍ତୁ ନଚେତ୍ ମାନହାନୀ ମକଦ୍ଦମା କରିବେ ବୋଲି ଚେତାବନୀ ଦେଇଥିଲେ ନରସିଂହ । ସମ୍ବିତ ପାତ୍ର କ୍ଷମା ମାଗି ନଥିବାରୁ ଗୁରୁବାର ନରସିଂହ ମାନହାନୀ ମକଦ୍ଦମା କରିଛନ୍ତି । ୫ କୋଟି ଟଙ୍କାର ମାନହାନୀ ହୋଇଥିବା ଆବେଦନରେ ଦର୍ଶାଯାଇଛି । ତେବେ ମାନହାନୀ ବାବଦରେ ୧ ହଜାର ଟଙ୍କା ଟୋକନ୍ ଜରିମାନା ପାଇଁ ଆବେଦନ କରାଯାଇଛି ।
