ଝିଅଙ୍କ ବିବାହ ବୟସକୁ ନେଇ ପୂର୍ବ ମନ୍ତ୍ରୀଙ୍କ ବିବାଦୀୟ ବୟାନ, କହିଲେ ୧୫ ବର୍ଷରେ ଆସିଥାଏ ଝିଅଙ୍କ ପ୍ରଜନନ କ୍ଷମତା
ନୂଆଦିଲ୍ଲୀ: ନୀଜର ବୟାନ ପାଇଁ ସବୁବେଳେ ଚର୍ଚ୍ଚାରେ ରହିଆସିଥିବା ପୂର୍ବତନ ମନ୍ତ୍ରୀ ସଜନ ସିଂ ବର୍ମା ପୁଣି ଥରେ ବିବାଦୀୟ ବୟାନ ପାଇଁ ଚର୍ଚ୍ଚାକୁ ଆସିଛନ୍ତି। ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଝିଅଙ୍କ ବୟସ ୨୧ ବର୍ଷକୁ ବୃଦ୍ଧି କରିବା ପ୍ରସଙ୍ଗରେ ବିବାଦୀୟ ମନ୍ତବ୍ୟ ଦେଇଛନ୍ତି ସଜନ ସିଂ। ବିବାଦୀୟ ବୟାନ ଦେଇ ସେ କହିଛନ୍ତି ଯେ ଯେତେବେଳେ ଝିଅମାନଙ୍କର ପ୍ରଜନନ କ୍ଷମତା ୧୫ ବର୍ଷରେ ହୋଇଯାଇଥାଏ ସେତେବେଳେ ଏହାକୁ ୨୧ ବର୍ଷକୁ ବୃଦ୍ଧି କରିବାର ଆବଶ୍ୟକତା କ ଣ ?
ଝିଅଙ୍କ ବିବାହ ବୟସର ସୀମାକୁ ମଧ୍ୟ ବଢ଼ାଇ ୧୮ ବର୍ଷ କରାଯାଇଛି। ତେବେ ଏଥିରେ ପରିବର୍ତ୍ତନର ଆବଶ୍ୟକତା କ’ଣ? ଏଭଳି ମନ୍ତବ୍ୟ ଦେଇ ଏବେ ବିବାଦ ଘେରରେ ପୂର୍ବତନ ମନ୍ତ୍ରୀ ସଜନ ସିଂ ବର୍ମା । ଭୋପାଳରେ ବୁଧବାର ଗଣମାଧ୍ୟମ ସହ ଆଲୋଚନା ବେଳେ ସଜନ ସିଂ ଭର୍ମା ଏହି ବୟାନ ଦେଇଛନ୍ତି।
ଏହାପୂର୍ବରୁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏକ କାର୍ଯ୍ୟକ୍ରମରେ ଝିଅମାନଙ୍କର ବିବାହ ବୟସକୁ ନେଇ ଆଲୋଚନା ଆବଶ୍ୟକ ଥିବା କହିଥିଲେ। ଏହାକୁ ୧୮ ରୁ ୨୧ ବର୍ଷକୁ ବୃଦ୍ଧି କରାଯିବା ଉଚିତ ବୋଲି ସେ କହିଥିଲେ।
