କର୍ଣ୍ଣାଟକରେ କଂଗ୍ରେସର ଗର୍ଜନ, ବିଜେପିକୁ ରାହୁଲଙ୍କ ଟାର୍ଗେଟ୍

ବେଙ୍ଗାଲୁର: ଭାରତ ଯୋଡ଼ୋ ଯାତ୍ରାରେ କଂଗ୍ରେସର ଗର୍ଜନ । କର୍ଣ୍ଣାଟକ ବେଲାରୀରେ କଂଗ୍ରେସ ପକ୍ଷରୁ କରାଯାଇଛି ବିଶାଳ ସମାବେଶ । ଦରବୃଦ୍ଧି, ବେକାରୀ, ଅର୍ଥନୈତିକ ସଂକଟ ଆଦିକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ନେତା । ସମାବେଶରେ ଯୋଗ ଦେଇ କଂଗ୍ରେସ ନେତା ରାହୁଲ ଗାନ୍ଧୀ ବିଭିନ୍ନ ପ୍ରସଙ୍ଗ ଉତଥାପନ କରିଥିବାବେଳେ ଦେଶରେ ବିଜେପି ବିରୋଧରେ ମେଳି ଲାଗି ଆହ୍ବାନ ଦେଇଛନ୍ତି ।

ସଭାରେ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି,   ଦେଶରେ ବିଜେପି ଓ ଆରଏସଏସ ଯୋଗୁ ବିଦ୍ବେଷ ଓ ହିଂସା ବଢୁଛି । କର୍ଣ୍ଣାଟକରେ ହେଉଥିବା ରୈଜନୈତିକ ସମାବେଶରେ ସାମିଲ ହୋଇଛନ୍ତି ଏଆଇସିସି ସଭାପତି ପ୍ରାର୍ଥୀ ମଲ୍ଲିକାର୍ଜ୍ଜୁନ ଖାଡଗେ । କେରଳ ପରେ କର୍ଣ୍ଣାଟକରେ ଏବେ ଯାତ୍ରା ଜାରି ରହିଥିବାବେଳେ ବିପୁଳ ଜନସମର୍ଥନ ପରିଲକ୍ଷିତ ହୋଇଛି ।