କଂଗ୍ରେସର ହାତ୍ ସେ ହାତ୍ ଯୋଡ଼ କାର୍ଯ୍ୟକ୍ରମରେ ସାମିଲ ହେବାକୁ ଓଡ଼ିଶା ଆସିବେ ପ୍ରିୟଙ୍କା ଗାନ୍ଧୀ
ଭୁବନେଶ୍ୱର: ଖୁବଶୀଘ୍ର ଓଡ଼ିଶା ଆସିବେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ । କଂଗ୍ରେସର ହାତ୍ ସେ ହାତ୍ ଯୋଡ଼ କାର୍ଯ୍ୟକ୍ରମରେ ହେବେ ସାମିଲ ପ୍ରିୟଙ୍କା । ୨ ମାସ ଧରି କଂଗ୍ରେସର ହାତ୍ ସେ ହାତ୍ ଯୋଡ଼ କାର୍ଯ୍ୟକ୍ରମ ଚାଲିବ । ଆସନ୍ତା ୯ ତାରିଖରୁ ଦେବଗଡ଼ରୁ ରାଜ୍ୟ କଂଗ୍ରେସର ଭାରତ ଯୋଡ଼ ପଦଯାତ୍ରା ପୁଣି ଆରମ୍ଭ ହେବ । ୧୫ଶହ କିଲୋମିଟର ଅତିକ୍ରମ କରିବ ପଦଯାତ୍ରା । ତୃଣମୂଳ ସ୍ତରକୁ ଯିବ କଂଗ୍ରେସ ।
ଆଗାମୀ ନିର୍ବାଚନରେ ମିଶନ ୯୦କୁ ସଫଳ କରିବାକୁ ଲକ୍ଷ୍ୟ ରଖିଛି କଂଗ୍ରେସ । ପିସିସି ସଭାପତି ଶରତ ପଟ୍ଟନାୟକ ଏହି ସୂଚନା ଦେଇଛନ୍ତି । ଦଳ ଧୀରେ ଧୀରେ ଅସ୍ତିତ୍ୱ ହରାଉଥିବାରୁ ପୂରୁଣା ନେତାମାନେ ଚିନ୍ତିତ ହୋଇପଡ଼ିଛନ୍ତି । ପୁଣିଥରେ ଦଳୀୟ ସ୍ଥିତିକୁ ମଜବୁତ କରିବାକୁ ବିଭିନ୍ନ କାର୍ଯ୍ୟକ୍ରମକୁ ଆପଣାଇ ଲୋକଙ୍କ ବିଶ୍ୱାସ ଭାଜନ ହେବାକୁ ଚେଷ୍ଟା କରୁଛି କଂଗ୍ରେସ ଦଳ ।
