ଜୟନାରାୟଣଙ୍କ ବିଭାଜନ ମନ୍ତବ୍ୟକୁ ନିରଞ୍ଜନଙ୍କ ନିନ୍ଦା: ପଚାରିଲେ- ଏହା କ’ଣ ବିଜେପିର ଓଡ଼ିଆ ଅସ୍ମିତା ?
ଭୁବନେଶ୍ବର: ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ବିଭାଜନ ମନ୍ତବ୍ୟକୁ ନେଇ ରାଜ୍ୟରେ ଅସନ୍ତୋଷ ବଢ଼ିବାରେ ଲାଗିଛି । ରାଜେନୖତିକ ଦଳଙ୍କଠାରୁ ଆରମ୍ଭ କରି ସବୁ ବର୍ଗର ଲୋକେ ଜୟନାରାୟଙ୍କ ମନ୍ତବ୍ୟକୁ ନିନ୍ଦା କରୁଛନ୍ତି । ଆଉ ଏହାରି ଭିତରେ ଜୟଙ୍କ ମାନସିକତାକୁ ବିରୋଧ କରି ତାଙ୍କୁ ଟାର୍ଗେଟ କରିଛନ୍ତି ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ ।
ନିରଞ୍ଜନ ସେସିଆଲ ମିଡିଆରେ ପୋଷ୍ଟ କରି ଜୟନାରାୟଣ ମିଶ୍ରଙ୍କ ମନ୍ତବ୍ୟକୁ ନିନ୍ଦା କରିଛନ୍ତି । କହିଛନ୍ତି, ଆମ ପୂର୍ବପୁରୁଷମାନେ ଦଶନ୍ଧି ଧରି ସଂଘର୍ଷ କରିଥିଲେ । ଶେଷରେ ଆମେ ୧୯୩୬ ମସିହାରେ ସ୍ୱତନ୍ତ୍ର ପ୍ରଦେଶ ମାନ୍ୟତା ହାସଲ କରିଥିଲୁ । ଜୟନାରାୟଣ ମିଶ୍ରଙ୍କ ବାର୍ତ୍ତା କ’ଣ ବିଜେପିର ଓଡ଼ିଆ ଅସ୍ମିତାର ନୀତି ବୋଲି ପ୍ରଶ୍ନ କରିଛନ୍ତି ନିରଞ୍ଜନ ।
ମୁଖ୍ୟମନ୍ତ୍ରୀ ମୋହନ ମାଝୀ ଏହାର ଉତ୍ତର ଦିଅନ୍ତୁ ବୋଲି ସେ ଦାବି କରିଛନ୍ତି । ବିଜେପି ପୁଣି ଥରେ ପ୍ରମାଣ କରିଛି ଯେ, ସେମାନଙ୍କର ଓଡ଼ିଶାର ଗୌରବ, ଏହାର ସଂଘର୍ଷ ଏବଂ ଓଡ଼ିଆ ଲୋକଙ୍କ ପ୍ରତି କୌଣସି ସମ୍ମାନ ନାହିଁ । ଆମେ ସେମାନଙ୍କୁ ଆମର ଇତିହାସକୁ ନଷ୍ଟ କରିବାକୁ ଦେବୁ ନାହିଁ ବୋଲି ଉଲ୍ଲେଖ କରିଛନ୍ତି ନିରଞ୍ଜନ ।
