ନୂଆଦିଲ୍ଲୀ : ନିର୍ବାଚନ ଋତୁରେ କଂଗ୍ରେସକୁ ବଡ଼ ଧରଣର ଧକ୍କା। ଇସ୍ତଫା ଦେଲେ ଦିଲ୍ଲୀ କଂଗ୍ରେସ ମୁଖ୍ଯ ଅରବିନ୍ଦର ସିଂ ଲଭଲି। ଆମ୍ ଆଦମୀ ପାର୍ଟି ସହ କଂଗ୍ରେସର ମେଣ୍ଟକୁ ବିରୋଧ କରି ସେ ଇସ୍ତଫା ଦେଇଥିବା କୁହାଯାଇଛି। ଏଆଇସିସି ମୁଖ୍ଯ ମଲ୍ଲିକାର୍ଜୁନ ଖଡଗେଙ୍କ ନିକଟକୁ ପତ୍ର ଲେଖି ସେ କହିଛନ୍ତି- ଆପ ସହ ମେଣ୍ଟ କରିବାକୁ ନେଇ ଦିଲ୍ଲୀ କଂଗ୍ରେସ ଶାଖା ବିରୋଧ କରିଆସୁଥିଲା। କଂଗ୍ରେସ ବିରୋଧରେ ଆପ୍ ନାନା ଅଭିଯୋଗ କରିଥିବା ସତ୍ତ୍ବେ ସେହି ଦଳ ସହ ମେଣ୍ଟ କରାଯାଇଛି। ଏହା ସହ ଦଳର ସାଧାରଣ ସମ୍ପାଦକ ଦାୟିତ୍ବରେ ଥିବା ଦୀପକ ବାବାରିଆଙ୍କ ବାରମ୍ବାର ହସ୍ତକ୍ଷେପକୁ ମଧ୍ଯ ବିରୋଧ କରି ସେ ପଦତ୍ଯାଗ କରିଥିବା କହିଛନ୍ତି।
