କଂଗ୍ରେସ ଭବନରେ କୋରାପୁଟ କଳି; ଉଗ୍ର ହେଲା ସାଂସଦ-ବିଧାୟକ ବିବାଦ

ଭୁବନେଶ୍ୱର : କଂଗ୍ରେସ ଭବନରେ କୋରାପୁଟ କଳି। ଉଗ୍ର ହେଲା ସାଂସଦ-ବିଧାୟକ ବିବାଦ। ପଦବୀକୁ ନେଇ ସମର୍ଥକ ଟଣାଓଟରା। ପ୍ୟାଚ୍ ପକାଇବାକୁ ପିସିସି ସଭାପତିଙ୍କ ଉଦ୍ୟମ। କାହା ହାତରେ ରହିବ କୋରାପୁଟ ଜିଲ୍ଲା କଂଗ୍ରେସ ଚାବି, ତାକୁ ନେଇ କୋରାପୁଟରୁ ରାଜଧାନୀ ଯାଏ ଚାଲିଛି ଲବି ଲଢେଇ। ରବିବାର ବିଧାୟକ ଗୋଷ୍ଠୀଙ୍କ ପରେ ବୁଧବାର ସାଂସଦ ଗୋଷ୍ଠୀ ପିସିସି ସଭାପତିଙ୍କ ପାଖରେ ଫେରାଦ ହୋଇଛନ୍ତି।

ପିସିସି ସଭାପତିଙ୍କୁ ଭେଟିବା ଆଳରେ ସାଂସଦ ଓ ବିଧାୟକ ଗୋଷ୍ଠୀ ଶକ୍ତି ପ୍ରଦର୍ଶନ କରିଛନ୍ତି। ବିଧାୟକ ତଥା କଂଗ୍ରେରର ଫାୟାର ବ୍ରାଣ୍ଡ ନେତା ତାରାଙ୍କ ସମର୍ଥକ କଂଗ୍ରେସ ନେତ୍ରୀ ତଥା ଜିଲ୍ଲା ସଭାନେତ୍ରୀ ମୀନାଷୀ ବାହିନୀପତି ଜିଲ୍ଲା ସଭାପତି ପଦରେ ରହିବାକୁ ଅଳି କରିଥିବା ବେଳେ ସାଂସଦ ଗୋଷ୍ଠୀ ତାଙ୍କୁ ପଦବୀରୁ ହଟାଇବାକୁ ଜିଦ ଧରିଛନ୍ତି। ଏହାକୁ ନେଉ ଉଷ୍ମ ହୋଇଛି କୋରାପୁଟ ରାଜନୀତି। ଉଭୟ ଗୋଷ୍ଠୀ ମଧ୍ୟରେ ବିବାଦ ଏତେ ଉଗ୍ର ରୂପ ନେଇଛି ଯେ, ଉଭୟ ସାଂସଦ ଓ ବିଧାୟକଙ୍କ ସମର୍ଥକ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ନାରାବାଜି ଓ ପରସ୍ପର ବିରୋଧୀ ବୟାନବାଜି କରିଛନ୍ତି।

କଂଗ୍ରେସ ଭବନରେ କୋରାପୁଟ କଳି ପହଞ୍ଚିବା ପରେ ପିସିସି ସଭାପତି ଶରତ ପଟ୍ଟନାୟକ ଉଭୟ ଗୋଷ୍ଠୀଙ୍କ ସମର୍ଥକଙ୍କ ସହ ଆଲୋଚନା କରିଛନ୍ତି। କୋରାପୁଟ କଂଗ୍ରେସ ବିବାଦ ଦାଣ୍ଡରେ ପଡ଼ି ହାଟରେ ଗଢୁଥିଲେ ମଧ୍ୟ ପିସିସି ସଭାପତି ଏଥିରେ ପ୍ୟାଚ ପକାଇବାକୁ ଚେଷ୍ଟା କରିଛନ୍ତି।