ନୂଆଦିଲ୍ଲୀ: ଦେଶରେ କୋଭିଡ ମାମଲା ଦିନକୁ ଦିନ ବଢ଼ିବାରେ ଲାଗିଛି। ପ୍ରତ୍ୟେକଦିନ ଲକ୍ଷାଧିକ ସଂକ୍ରମଣ ହେଉଥିବାବେଳେ ଅକ୍ସିଜେନ ଅଭାବରେ ପ୍ରତିଦିନ ହଜାର ହଜାର ଲୋକ ମୃତ୍ୟୁ ବରଣ କରୁଛନ୍ତି। କୋରନା ମାମଲାରେ ଏଭଳି ବିସ୍ଫୋରକ ଅଭିବୃଦ୍ଧି ହେତୁ କଂଗ୍ରେସ ସଭାପତି ସୋନିଆ ଗାନ୍ଧୀ ଶୁକ୍ରବାର ଦିନ ସମସ୍ତ ଲୋକସଭା ଓ ରାଜ୍ୟସଭା ସାଂସଦଙ୍କ ବୈଠକ ଡାକିଛନ୍ତି।
କଂଗ୍ରେସ ଅଧକ୍ଷ ସୋନିଆ ଗାନ୍ଧିଙ୍କ ଅଧକ୍ଷତାକରେ ଭିଡିଓ କନଫରେନ୍ସି ମାଧ୍ୟମରେ ଏହି ବୌଠକ ବସିଛି। ବୈଠକରେ ଦେଶର କୋଭିଡ୍ ସ୍ଥିତିକୁ ନେଇ ସେ ନିଜ ଦଳର ଲୋକସଭା ଓ ରାଜ୍ୟସଭା ସାଂସଦଙ୍କ ମତାମତ ଶୁଣିଛନ୍ତି। ତେବେ ତାଙ୍କ ଦଳ ଶାସିତ ରାଜ୍ୟଗୁଡ଼ିକରେ କିପରି କୋଭିଡ ମୁକାବିଲା ହେବ ସେ ନେଇ ଏହି ବୈଠକରେ ଆଲୋଚନା ହୋଇଛି। କଂଗ୍ରେସର ପୂର୍ବତନ ମୁଖ୍ୟ ରାହୁଲ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ମଧ୍ୟ ଏହି ଭର୍ଚୁଆଲ୍ ବୈଠକରେ ଅଂଶଗ୍ରହଣ କରିଛନ୍ତି।
ତେବେ ମାର୍ଚ୍ଚରେ ସଂସଦର ବଜେଟ୍ ଅଧିବେଶନ ପରେ ଏହା କଂଗ୍ରେସ ସଂସଦୀୟ ପାର୍ଟି (ସିପିପି)ର ପ୍ରଥମ ବୈଠକ।
