ଗୁରୁଗ୍ରାମ୍କୁ ସିଫ୍ଟ ହେବେ ପ୍ରିୟଙ୍କା: ସବୁଠାରୁ ମହଙ୍ଗା ସୋସାଇଟିରେ ରହିବେ ପ୍ରିୟଙ୍କା
ଗୁରୁଗ୍ରାମ: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଖୁବ୍ଶୀଘ୍ର ଗୁରୁଗ୍ରାମକୁ ସିଫ୍ଟ ହେବେ । ଏଣିକି ତାଙ୍କ ଠିକଣା ଦିଲ୍ଲୀର ଲୋଦୀ ଇଷ୍ଟ ସ୍ଥିତ ସରକାରୀ ବଙ୍ଗଳାରୁ ବଦଳି ଗୁରୁଗ୍ରାମ ଗୋଲ୍ଫ କୋର୍ସ ହେବାକୁ ଯାଉଛି । ପ୍ରିୟଙ୍କା ଗାନ୍ଧୀଙ୍କ ସୁରକ୍ଷା ହଟାଯିବା ପରେ ତାଙ୍କୁ ଲୋଧି ଇଷ୍ଟ ସ୍ଥିତ ବଙ୍ଗଳା ଖାଲି କରିବାକୁ ନୋଟିସ୍ ଜାରି ହୋଇଛି । ଯାହାର ଅବଧି ୩୧ ଜୁଲାଇରେ ଶେଷ ହେବାକୁ ଯାଉଛି ।
ତେବେ ପ୍ରିୟଙ୍କା ରହିବାକୁ ଯାଉଥିବା ସୋସାଇଟି ଗୁରୁଗ୍ରାମର ସବୁଠାରୁ ମହଙ୍ଗା ସୋସାଇଟି ମଧ୍ୟରୁ ଗୋଟିଏ । କେବଳ ଏତିକି ନୁହେଁ ବିଲ୍ଡରଙ୍କ ତରଫରୁ ଏହି ସୋସାଇଟିରେ ଥ୍ରୀ ଲେୟର ସୁରକ୍ଷା ପ୍ରଦାନ କରାଯାଇଛି । ବୋଧେ ଏଥିପାଇଁ ଏହି ସୋସାଇଟିକୁ ବାଛିଛନ୍ତି ପ୍ରିୟଙ୍କା । ପ୍ରିୟଙ୍କା ଗାନ୍ଧୀଙ୍କୁ ପୂରା ଦେଶର ରାଜନୀତି ଉପରେ ନଜର ରଖିବାର ଅଛି ଏଣୁ ସେ ଦିଲ୍ଲୀ ନିକଟ ଗୁରୁଗ୍ରାମର ନିକଟରେ ଘର ନେଉଥିବା କୁହାଯାଉଛି ।
ଦିଲ୍ଲୀ ନିକଟ ହୋଇଥିବାରୁ ପ୍ରିୟଙ୍କା ଗାନ୍ଧୀ ନା କେବଳ ଦିଲ୍ଲୀରେ ଉପସ୍ଥିତ ରହିବେ । ବରଂ ଦେଶର ରାଜନୀତିରେ ମଧ୍ୟ ସକ୍ରିୟ ରହିବେ । ସେ ଦିଲ୍ଳୀ ଓ ଗୁରୁଗ୍ରାମ ମଧ୍ୟରେ ମଧ୍ୟ ଯାତାୟତ କରିପାରିବେ । ଏଥିସହିତ ଦଳର ସବୁ ବରିଷ୍ଠ ନେତାଙ୍କ ସହ ମଧ୍ୟ ସାକ୍ଷାତ କରିପାରିବେ । ଏହି ସୁବିଧାକୁ ଧ୍ୟାନରେ ରଖି ଲକ୍ଷ୍ମୌ ଯିବା ନେଇ ଯେଉଁ ପ୍ଳାନ୍ କରୁଥିଲେ ତାହାକୁ ସେ ବାତିଲ କରିଛନ୍ତି ।
