ନୀତିଶ ନାଇଡୁଙ୍କ ସମର୍ଥନ ନେଇ ବି ସରକାର ଗଠନ କରିବା କଂଗ୍ରେସ ପାଇଁ ଅସମ୍ଭବ
![](https://nandighoshatv.com/wp-content/uploads/2024/06/କାମ-ଦେବନି-ନୀତିଶ-ନାଇଡୁ-ଅଙ୍କ-1024x576.jpg)
ନନ୍ଦିଘୋଷ ବ୍ୟୁରୋ: ଲୋକସଭା ନିର୍ବାଚନ ୨୦୨୪ ଫଳାଫଳ ଉଭୟ ବିଜେପି ଓ କଂଗ୍ରେସର ହାର୍ଟବିଟ୍ ବନ୍ଦ କରି ଦେଇଛି । ଶାସକ ଦଳ ବିଜେପି ନିଜ ଦମ୍ରେ ବହୁମତ ହାସଲ କରି ପାରିନାହିଁ । ମାତ୍ର ୨୪୨ ସିଟ୍ରେ ବିଜେପିକୁ ସନ୍ତୁଷ୍ଟ ହେବାକୁ ପଡିଛି । ସରକାର ଗଠନ ପାଇଁ ଆବଶ୍ୟକୀୟ ୨୭୨ ଆସନ ଅଙ୍କରୁ ୩୨ଟି ଆସନ କମ ରହିଛି । ଜେଡିୟୁ ମୁଖ୍ୟ ନୀତୀଶ କୁମାର ଓ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଏବେ କିଙ୍ଗମେକର୍ ସାଜିଥିବା ନେଇ ଚର୍ଚ୍ଚା ହେଉଛି ।
ନିର୍ବାଚନ ପୂର୍ବରୁ ନୀତିଶ ଏବଂ ନାଇଡୁ ଦୁହେଁ ଏନଡିଏ ମେଣ୍ଟର ସହଯୋଗୀ ରହିଆସିଛନ୍ତି । ଯାହା ସାହାଯ୍ୟରେ ଏନଡିଏ ମେଣ୍ଟ ବହୁ ସହଜରେ ସରକାର ଗଠନ କରିପାରିବେ । କିନ୍ତୁ ବିରୋଧୀ ଦଳର କିଛି ନେତା ଦାବି କରୁଛନ୍ତି ଯେ ଯଦି ଇଣ୍ଡିଆ ମେଣ୍ଟ ନୀତିଶ ଓ ନାଇଡୁଙ୍କୁ ସାଥୀରେ ନେଇ ସରକାର ଗଠନ କରିପାରିବେ ।କିନ୍ତୁ ନମ୍ବର ଗେମକୁ ଦେଖିଲେ ଏହା ଅସମ୍ଭବ ମନେ ହେଉଛି ।
पଇଣ୍ଡିଆ ମେଣ୍ଟକୁ ୨୩୪ ଆସନ ମିଳିଛି । କଂଗ୍ରେସ ସବୁଠାରୁ ବଡ ଦଳ ଭାବେ ୯୯ ସିଟ୍ ହାସଲ କରିଛି । ସେହିପରି ଅଖିଳେଶଙ୍କ ସମାଜବାଦୀ ପାର୍ଟି ୩୭ ଓ ମମତା ବାନାର୍ଜୀଙ୍କ ଟିଏମସି ୨୯ ଓ ଷ୍ଟାଲିନଙ୍କ ଡିଏମକେକୁ ୨୨ ଆସନ ମିଳିଛି ।
ଇଣ୍ଡିଆ ମେଣ୍ଟକୁ ଏବେ ସରକାର ଗଠନ ପାଇଁ ଆହୁରି ୩୮ଟି ଆସନର ଆବଶ୍ୟକତା ରହିଛି । ନିତିଶ କୁମାର ଓ ଚନ୍ଦ୍ରବାବୁ ନାଇଡୁଙ୍କ ଦଳ ପାଖରେ ସର୍ବମୋଟ ୨୮ ସିଟ୍ ମିଳିଛି । ଏପରି କ୍ଷେତ୍ରରେ ଇଣ୍ଡିଆ ମେଣ୍ଟର ଅଙ୍କ ୨୬୨ରେ ପହଞ୍ଚିବ । ଏହା ପରେ ବି ଇଣ୍ଡିଆ ମେଣ୍ଟକୁ ସରକାର ଗଠନ ପାଇଁ ଆହୁରି ୧୦ଟି ଆସନର ଆବଶ୍ୟକତା ରହିବ ।
ଏହି ୧୦ଟି ସିଟ୍ କଂଗ୍ରେସ ଓ ଇଣ୍ଡିଆ ମେଣ୍ଟ ରାସ୍ତାରେ ସବୁଠାରୁ ବଡ କଣ୍ଟା ସାବ୍ୟସ୍ତ ହୋଇପାରେ । ଏନଡିଏ ଓ ଇଣ୍ଡିଆ ମେଣ୍ଟ ବ୍ୟତୀତ ଏମିତି କୌଣସି ଦଳ ନାହାନ୍ତି ଯିଏ ଏକାକୀ ୧୦ ଟି ଆସନ ଜିତି ପାରିଛନ୍ତି । ୭ଟି ଆଶନ ସ୍ବାଧନ ପ୍ରାର୍ଥୀ ଜିତିଥିବାବେଳେ ୧୧ଟି ଆସନ ଛୋଟ ଛୋଟ ଦଳଙ୍କ ଖାତାକୁ ଯାଇଛି । ସେମାନଙ୍କ ମଧ୍ୟରୁ ଅଧିକାଂଶ ଦଳ ଏନଡିଏର ସହଯୋଗୀ ଥିବାରୁ ସେମାନେ ପୁଣି ଥରେ ଏନଡିଏକୁ ସମର୍ଥନ ଦେବାର ସମ୍ଭାବନା ରହିଛି । ଏଭଳି କ୍ଷେତ୍ରରେ ଇଣ୍ଡିଆ ମେଣ୍ଟକୁ ଏକା ସହ ୧୦ ସାଂସଦଙ୍କ ସମର୍ଥନ ଅର୍ଥ ଲୁହା ଚଣା ଚୋବାଇବା ସହ ସମାନ ।