ୟେଦ୍ୟୁରପ୍ପା ପରିବାର ବିରୋଧରେ ଦୁର୍ନୀତି ଅଭିଯୋଗ: ଇସ୍ତଫା ଦାବି କଲା କଂଗ୍ରେସ
ବେଙ୍ଗାଲୁରୁ: କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍ ୟେଦ୍ୟୁରପ୍ପା ଓ ତାଙ୍କ ପରିବାର ବିରୋଧରେ ଦୁର୍ନୀତି ଅଭିଯୋଗ । ରବିବାର କଂଗ୍ରେସ ନେତା ଅଭିଷେକ ମନୁ ସିଂଭି ତାଙ୍କ ପରିବାର ବିରୋଧରେ ଆସିଥିବା ୬୬୨ କୋଟି ଟଙ୍କାର ଦୁର୍ନୀତି ଅଭିଯୋଗକୁ ଭିତ୍ତି କରି ଇସ୍ତଫା ଦାବି କରିଛନ୍ତି । ପୂର୍ବରୁ କର୍ଣ୍ଣାଟକ ବିରୋଧୀ ଦଳ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମେୟା ଏ ନେଇ ଅଭିଯୋଗ କରିଥିଲେ ।
ୟେଦ୍ୟୁରପ୍ପା ଏବଂ ତାଙ୍କ ପୁଅ ବିଓ୍ୱାଇ ବିଜନ୍ଦ୍ରେୟ ବେଙ୍ଗାଲୁରୁ ଡେଭଲପମେଣ୍ଟ ଅଥରିଟିର ଠିକାଦାର ପାଖରୁ ଲାଞ୍ଚ ନେଇଛନ୍ତି । ଏ ସମ୍ପର୍କିତ ଅଡିଓ କ୍ଳିପ୍ ଭାଇରାଲ୍ ହୋଇଛି । ଯେଉଁଥିରେ କଣ୍ଟ୍ରାକ୍ଟର ସହ ବିଜୟେନ୍ଦ୍ର ଏବଂ ତାଙ୍କ ନାତିଙ୍କ ସମ୍ପୃକ୍ତି ରହିଥିବା ସିଦ୍ଧରମାୟ କହିଛନ୍ତି । ଏଣୁ ତାଙ୍କ ବିରୋଧରେ ଅପରାଧିକ ମାମଲା ହେବା ନେଇ ଦାବି କରିଥିଲେ ।
ଶ୍ରୀ ସିଂଭି ସିଦ୍ଧରମେୟାଙ୍କ ଅଭିଯୋଗକୁ ଭିତ୍ତିକରି ସେ କହିଛନ୍ତି ଯେ, ହ୍ୱାଟସ୍ଆପ୍ ବାର୍ତ୍ତାଳାପରେ ୟେଦ୍ୟୁରପ୍ପାଙ୍କ ପୁଅ ବେଙ୍ଗାଲୁରୁ ଡେଭଲପମେଣ୍ଟ ଅଥରିଟିଙ୍କ ଠିକାଦାରଙ୍କ ଠାରୁ ଲାଞ୍ଚ ନେଉଥିବା ସ୍ପଷ୍ଟ ହୋଇଛି । ଏଥିସହିତ ତାଙ୍କ ନାତିଙ୍କ ସମ୍ପୃକ୍ତି ଥିବା ନେଇ ମଧ୍ୟ ସ୍ପଷ୍ଟ ହୋଇଛି, ଏହା ସତ୍ତ୍ୱେ କୌଣସି ଅପରାଧୀକ ମାମଲା ମଧ୍ୟ ରୁଜୁ ହୋଇନାହିଁ । ଏଥିସହିତ ଏଭଳି ଅଭିଯୋଗ ଉପରେ କର୍ଣ୍ଣାଟକ ସରକାର କାହିଁକି ଚୁପ୍ ବସିଛନ୍ତି ବୋଲି ପ୍ରଶ୍ନ କରିଛନ୍ତି ଶ୍ରୀ ସିଂଭି । ଯଦି ବିଜେପି ଏବଂ ମୁଖ୍ୟମନ୍ତ୍ରୀଙ୍କ ଟିକିଏ ସୌଜନ୍ୟତା ଥାନ୍ତା ତା’ହେଲେ ସେ ପଦବୀରୁ ଇସ୍ତଫା ଦେଇସାରିଥାନ୍ତେ ବୋଲି ସିଂଭି କହିଛନ୍ତି । ଏଭଳି କି ଏହି ପ୍ରସଂଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଟାର୍ଗେଟ କରିଛନ୍ତି ସିଂଭି । ସେ କହିଛନ୍ତି ଏହି ଅଭିଯୋଗରେ କାହିଁକି ଚୁପ୍ ଅଛନ୍ତି ଚୌକିଦାର ।
ତିର୍ତ୍ତୋଲ ଉପନିର୍ବାଚନ ପୂର୍ବରୁ ବଳ ଗୋଟାଉଛି ବିଜେଡି, ପ୍ରତ୍ୟେକ ଦିନ ଯୋଗ ଦେଉଛନ୍ତି ଶତାଧିକ କର୍ମୀ
