ହରିୟାଣାରେ ଇଭିଏମ ଟାମ୍ପରିଂ ଅଭିଯୋଗ ଆଣିଲା କଂଗ୍ରେସ

ନୂଆଦିଲ୍ଲୀ: ହରିୟାଣାରେ ଇଭିଏମ ଟାମ୍ପରିଂ ହୋଇଥିବା ଅଭିଯୋଗ ଆଣିଲା କଂଗ୍ରେସ । ପ୍ରେସମିଟ୍ କରି ବର୍ଷିବା ସହ ତ୍ରୁଟିକୁ ନେଇ ଭାରତୀୟ ନିର୍ବାଚନ କମିଶନଙ୍କ ଦ୍ଵାରସ୍ଥ ହେବ ବୋଲି କହିଛି ଦଳ । ହରିୟାଣାର ୩ ଜିଲ୍ଲାରେ ଇଭିଏମର ତଥ୍ୟ ସହ ବ୍ଯାପକ ହେରଫେର କରାଯାଇଥିବା ଅଭିଯୋଗ କରିଛି କଂଗ୍ରେସ ।

ହରିୟାଣା ରେଜଲ୍ଟ ଅପ୍ରତ୍ଯାଶିତ ବୋଲି କହିଛି ଦଳ। ବିଧାନସଭା ନିର୍ବାଚନରେ ବ୍ୟବସ୍ଥାରେ ବ୍ଯାପକ ତ୍ରୁଟି ଅଭିଯୋଗ କରିଛି କଂଗ୍ରେସ । ଏହା ସିଷ୍ଟମର ବିଜୟ ଓ ଗଣତନ୍ତ୍ରର ପରାଜୟ ବୋଲି ଦଳ କହିଛି ।

ହରିୟାଣାରେ କଂଗ୍ରେସର ଏଭଳି ପରାଜୟ ଘଟିବ ବୋଲି ଦଳର କୌଣସି ନେତା ବିଶ୍ଵାସ କରିପାରୁନାହାନ୍ତି । ଦଳ ପକ୍ଷରୁ କୁହାଯାଇଛି. ଭୋଟ ଗଣତିକୁ ନେଇ ଅଭିଯୋଗଗୁଡ଼ିକୁ ସଂଗ୍ରହ କରାଯାଉଛି । କଂଗ୍ରେସର ପ୍ରତିନିଧି ରିଟର୍ଣ୍ଣିଂ ଅଧିକାରୀଙ୍କୁ ଏ ନେଇ ଅଭିଯୋଗ ଦେଇଛନ୍ତି । ଆଗାମୀ ଦିନରେ ଏ ସମସ୍ତ ଅଭିଯୋଗକୁ ନେଇ କଂଗ୍ରେସ ନିର୍ବାଚନ ଆୟୋଗଙ୍କ ନିକଟକୁ ଯିବ । ଏଭଳି ପରିଣାମ ଦେଶରେ କୌଣସି ସ୍ଥାନରେ ଦେଖାଯାଇନାହିଁ ବୋଲି କହିଛି କଂଗ୍ରେସ । ହରିୟାଣା ରେଜଲ୍ଟକୁ ନେଇ ଦଳର ନେତା ଓ କର୍ମୀ ସ୍ତମ୍ଭୀଭୂତ ହୋଇଯାଇଛନ୍ତି ।