ନନ୍ଦିଘୋଷ ବ୍ୟୁରୋ : କଙ୍ଗୋର ରାଜଧାନୀ କିନଶାସାରେ ଏକ ବିବାହ ଭୋଜିରେ ଅଗ୍ନିକାଣ୍ଡ ଘଟି ଅତି କମରେ ୨୨ ଜଣଙ୍କର ମୃତ୍ୟୁ ହୋଇଛି ଏବଂ ୬୮ରୁ ଅଧିକ ଆହତ ହୋଇଛନ୍ତି । ରାତିରେ ଉତ୍ତର କିନଶାସାରେ ଲିଙ୍ଗୱାଲାର ଏକ କୋଠାରେ ଅଗ୍ନିକାଣ୍ଡ ଘଟିଥିଲା । ଲୋକମାନେ ଖସିଯିବାକୁ ଚେଷ୍ଟା କରିବା ଦ୍ୱାରା କୋଠାର ସଂକୀର୍ଣ୍ଣ କରିଡରଗୁଡ଼ିକ ଆହୁରି ସଙ୍କୁଚିତ ହୋଇଯାଇଥିଲା । କିଛି ମୃତ ଏବଂ ଜୀବିତ ଲୋକଙ୍କୁ ରାସ୍ତା କଡ଼ରେ ଛାଡି ଦିଆଯାଇଥିଲା ।
ଯେଉଁଠାରେ ପରିଚାରକମାନେ ବଞ୍ଚିଥିବା ଲୋକଙ୍କୁ ସାହାଯ୍ୟ କରିଥିଲେ। ଏହି ଅଘଟଣରେ ମୃତ୍ୟୁସଂଖ୍ୟା ଆହୁରି ବଢ଼ିପାରେ ବୋଲି କହିଛନ୍ତି ଲିଙ୍ଗୱାଲା ମେୟର ନରବର୍ଟ ମୁଶିଙ୍ଗା । ଅଗ୍ନିକାଣ୍ଡର ସଠିକ୍ କାରଣ ଜଣାପଡ଼ି ନଥିବାବଳେ କଙ୍ଗୋର ଉପ ପ୍ରଧାନମନ୍ତ୍ରୀ ଜାକମିନ୍ ଶାବାନି ଏହାକୁ ଏକ ଦୁଃଖଦ ଘଟଣା ବୋଲି କହିଛନ୍ତି । ସ୍ଥାନୀୟ ଗଣମାଧ୍ୟମ ଅନୁଯାୟୀ, କିନଶାସାର ଘନ ଜନବହୁଳ ଅଞ୍ଚଳରେ ଏପରି ବାରମ୍ବାର ଅଗ୍ନିକାଣ୍ଡ ଘଟୁଛି ।….
