ପିଜି ଡାକ୍ତର ଓ ସୁରକ୍ଷା କର୍ମୀଙ୍କ ମଧ୍ଯରେ ଗଣ୍ଡଗୋଳ ଘଟଣା, ଉଭୟପକ୍ଷଙ୍କୁ ଆଲୋଚନା ପାଇଁ ଡାକିଲେ କର୍ତୃପକ୍ଷ
ବୁର୍ଲାରେ ପିଜି ଡାକ୍ତର ଓ ସୁରକ୍ଷା କର୍ମୀ ମଧ୍ଯରେ ଗଣ୍ଡଗୋଳ ଘଟଣା । ଡାକ୍ତରୀ ଛାତ୍ର ଓ ସୁରକ୍ଷା କର୍ମୀଙ୍କୁ ଡାକିଲେ କଲେଜ ଭୀମସାର କର୍ତୃପକ୍ଷ । ଉଭୟ ପକ୍ଷଙ୍କୁ ଡାକି ହେବ ଆଲୋଚନା । ସୂଚନା ଦେଲେ ମେଡିକାଲ ଅଧ୍ୟକ୍ଷ ଲାଲମୋହନ ନାୟକ । ସେପଟେ ବୁର୍ଲା ଥାନାକୁ ଯାଇ ଲିଖିତ ଅଭିଯୋଗ କରିଛନ୍ତି ଶହ ଶହ ସୁରକ୍ଷା କର୍ମୀ । ବିନାକାରଣରେ ଡାକ୍ତରୀ ଛାତ୍ର ଆକ୍ରମଣ କରିଥିବାର ଅଭିଯୋଗ କରିଛନ୍ତି ।
ଘଟଣା ପରେ ବୁର୍ଲା ମେଡିକାଲରେ ବ୍ଯାପକ ପୋଲିସ ମୁତୟନ ହୋଇଛନ୍ତି | ଗତ ରାତିରେ କୌଣସି କଥାକୁ ନେଇ ଜଣେ ପିଜି ଡାକ୍ତର ଓ ଜଣେ ସୁରକ୍ଷା କର୍ମୀଙ୍କ ମଧ୍ଯରେ ଗଣ୍ଡଗୋଳ ହେବା ସହ ହାତାହାତି ପରିସ୍ଥିତି ସୃଷ୍ଟି ହୋଇଥିଲା । ଫଳରେ ଜଣେ ସୁରକ୍ଷା କର୍ମୀ ଆହତ ହେବା ସହ ଜଣେ ପିଜି ଡାକ୍ତର ମଧ୍ଯ ଆହତ ହୋଇଛନ୍ତି । ଘଟଣା ପରେ କିଛି ସମୟ ଧରି ମେଡିକାଲରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା ।
