ଗୁରୁତର ପିଣ୍ଟୁ ନନ୍ଦ, ଆସିଲା ମେଡିକାଲର ଫଟୋ…

ନନ୍ଦିଘୋଷ ବ୍ୟୁରୋ: ସଙ୍କଟାପର୍ଣ୍ଣ ସ୍ଥିତିରେ ଅଛନ୍ତି ଓଲିଉଡ ଅଭିନେତା ପିଣ୍ଟୁ ନନ୍ଦ । ଲିଭର ସିରୋସିସ ରୋଗରେ ପୀଡ଼ିତ ହୋଇ ଅଭିନେତା ପିଣ୍ଟୁ ନନ୍ଦ ଏବେ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତାଙ୍କ ସ୍ଥିତି ଗମ୍ଭୀର ଥିବା ଜଣାପଡ଼ିଛି । ତାଙ୍କର ଲିଭର ଟ୍ରାନ୍ସପ୍ଲାଣ୍ଟ ହେବାର ଥିଲେ ମଧ୍ୟ ଏପର୍ଯ୍ୟନ୍ତ ହୋଇନାହିଁ । ଏଥିପାଇଁ ୩୦ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ମେଡିକାଲ ପକ୍ଷରୁ କୁହାଯାଇଛି । ଦିଲ୍ଲୀରେ ଅବସ୍ଥା ଗୁରୁତର ହେବାରୁ ତାଙ୍କ ଲିଭର ପ୍ରତିରୋପଣର ଆବଶ୍ୟକ ପଡ଼ିଥିଲା ।

ପରିବାର ସଦସ୍ୟଙ୍କ ଲିଭର୍ ମ୍ୟାଚ ନହେବାରୁ ପ୍ରତିରୋପଣ ହୋଇପାରିନଥିଲା । ପରେ ତାଙ୍କୁ ହାଇଦ୍ରାକବାଦ ଅଣାଯାଇଥିଲା । ଏବେ ସେ ହାଇଦ୍ରାବାଦରେ ଚିକିତ୍ସିତ ହେଉଛନ୍ତି । ଆସନ୍ତା ୬ ମାସ ମଧ୍ୟରେ ତାଙ୍କ ଲିଭର ପ୍ରତିରୋପଣ ପାଇଁ ଡାକ୍ତରମାନେ ପରାମର୍ଶ ଦେଇଛନ୍ତି । ଆଜି ମଧ୍ୟାହ୍ନରେ ଓଲିଉଡ଼ ଅଭିନେତା ଶ୍ରୀତମ ଦାସ ତାଙ୍କ ସ୍ଥିତି ସମ୍ପର୍କରେ ଟ୍ୱିଟ କରି ସୂଚନା ଦେଇଥିଲେ । ସେ ନିଜ ଟ୍ୱିଟରେ ପିଣ୍ଟୁ ନନ୍ଦ ଗୁରୁତର ଥିବା ସୂଚନା ଦେଇଥିଲେ । ସମସ୍ତେ ତାଙ୍କୁ ଆଶୀର୍ବାଦ କରିବା ସହ ଆଶୁ ଆରୋଗ୍ୟ କାମନା କରିବାକୁ ସେ ଟ୍ୱିଟ ଯୋଗେ କହିଥିଲେ ।