ମୋରାଟୋରିୟମ ଉପରେ ସୁଧ ଦେବେନି ଗ୍ରାହକ; ୫ରୁ ୬ ହଜାର କୋଟି ଭରଣ କରିବେ କେନ୍ଦ୍ର ସରକାର…
1 min read
ନୂଆଦିଲ୍ଲୀ: ମୋରାଟୋରିୟମ ଛାଡ ଉପରେ ସୁଧ ନେଇପାରିବେ ନାହିଁ ଗ୍ରାହକ । ଏଭଳି ମତ ରଖିଛନ୍ତି ସରକାର । କରୋନା ବେଳେ ଆର୍ଥିକ ସଙ୍କଟକୁ ଧ୍ୟାନ ଦେଇ ସରକାର ମୋରାଟୋରିୟମ୍ ବ୍ୟବସ୍ଥା ଲାଗୁ କରିଥିଲେ । ଯାହା ଫଳରେ ସାଧାରଣ ଲୋକଙ୍କୁ ଇଏମଆଇ ଭରିବାକୁ ପଡିନଥିଲା । ତେବେ ଏବେ ସ୍ଥିତି ସାମାନ୍ୟ ଭଲ ହେବା ପରେ ବ୍ୟାଙ୍କ ଓ ଫାଇନାନ୍ସ କମ୍ପାନୀ ମୋରାଟରିୟମ ପରିୟଡର ସୁଧ ଦାବି କରିଥିଲେ ।
ପରେ ମାମଲା ସୁପ୍ରିମ କୋର୍ଟରେ ପହଞ୍ଚିଥିଲା । ସୁପ୍ରିମୋକୋର୍ଟ କେନ୍ଦ୍ର ସରକାରଙ୍କୁ ଏନେଇ ସତ୍ୟପାଠ ଦାଖଲ କରିବାକୁ ନିର୍ଦ୍ଦେଶ ଦେଇଥିଲେ । କେନ୍ଦ୍ର ସରକାରଙ୍କ ସତ୍ୟପାଠ ଅନୁଯାୟୀ, ୨ କୋଟି ଟଙ୍କା ପର୍ଯ୍ୟନ୍ତ MSME ଋଣ, ବ୍ୟକ୍ତିଗତ, ଶିକ୍ଷା , ଗୃହ , କାର , କଞ୍ଜୁମର ଡ୍ୟୁରେବଲ, କ୍ରେଡିଟ୍ କାର୍ଡ ବକେୟା ଆଦି କ୍ଷେତ୍ରରେ ଏହି ନିୟମ ଲାଗୁ ହେବ । ଏହି ସମୟରେ ଯେଉଁମାନେ କିସ୍ତି ପରିଶୋଧ କରି ସାରିଛନ୍ତି ସେମାନଙ୍କୁ ମଧ୍ୟ ଏହି ସୁଧ ରିହାତିରୁ ଫାଇଦା ମିଳିବ ।
ତେବେ ଏହାର ଚିତ୍ର ସ୍ପଷ୍ଟ ହୋଇ ନାହିଁ । କରୋନା ପାଇଁ ରିଜର୍ଭ ବ୍ୟାଙ୍କ ଗତ ମାର୍ଚ୍ଚ ମାସରୁ ୬ ମାସ ପାଇଁ ଇଏମ୍ଆଇ ନ ନେବାକୁ ନିର୍ଦ୍ଦେଶ ଦେଇଥିଲେ । ଏହି ସୁଧ ଉପରେ ସୁଧ ରିହାତିର ପରିମାଣ ପ୍ରାୟ ୫ରୁ ୬ ହଜାର କୋଟି ହେବ ବୋଲି ବ୍ୟାଙ୍କଗୁଡ଼ିକ ପକ୍ଷରୁ କୁହାଯାଇଛି । ସୁଧ ଉପରେ ସୁଧ ରିହାତି ଦ୍ୱାରା ବ୍ୟାଙ୍କଗୁଡ଼ିକ ଯେଉଁ କ୍ଷତିର ସମ୍ମୁଖୀନ ହେବେ ତାହା କେନ୍ଦ୍ର ସରକାର ପରବର୍ତ୍ତୀ ସମୟରେ ଭରଣା କରିବେ ।
