୨୦୧୮ ମସିହା ଆଜିର ଦିନରେ  CRUT  ଆରମ୍ଭ କରିଥିଲା ‘ମୋ ବସ୍‌’ ସେବା

1 min read

ଭୁବନେଶ୍ୱର: ‘ମୋ ବସ୍‌’ ସେବାକୁ ପୁରିଲା ୨ ବର୍ଷ  । ୨୦୧୮ ମସିହା ଆଜିର ଦିନରେ  CRUT  ଆରମ୍ଭ କରିଥିଲା ‘ମୋ ବସ୍‌’ ସେବା । ରାଜଧାନୀ ତଥା ଭୁବନେଶ୍ୱରରେ ଜନସାଧାରଣଙ୍କ ଯାତାୟାତକୁ ଦୃଷ୍ଟିରେ ରଖି  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସେବାକୁ ଲୋକାର୍ପିତ କରିଥିଲେ ।  ପ୍ରଥମେ  ‘ମୋ ବସ୍‌’ ୯ଟି ରୁଟରେ ୧୦୦ଟି ଛୋଟ ବଡ଼ ବସ୍ ଯାତାୟାତ କରୁଥିଲା ।

ଏବଂ ୫ଶହ କର୍ମୀଙ୍କୁ ଏହି ସେବାରେ ନିଯୁକ୍ତି ଦିଆଯାଇଥିଲା । ବର୍ତ୍ତବାନ ଏହାକୁ ବୃଦ୍ଧି କରାଇ୨୦୦ ବସ୍‌ ଓ ୨୪ଟି ରୁଟ୍‌ରେ ପହଞ୍ଚିଲାଣି । ସେହିପରି କର୍ମଚାରୀଙ୍କ ସଂଖ୍ୟା ମଧ୍ୟ ୫ଶହରୁ ୯ଶହକୁ ବୃଦ୍ଧି ପାଇଛି। ବର୍ତ୍ତମାନ ମୋ ବସ ସେବା ଭୁବନେଶ୍ୱର ସମେତ ଖୋର୍ଦ୍ଧା, କଟକ, କୋଣାର୍କ, ପିପିଲି ଓ ପୁରୀରେ ଉପଲବ୍ଧ ହେଉଛି । ହେଲେ କରୋନା କଟକଣା ଯୋଗୁ ବର୍ତ୍ତମାନ ୧୭ଟି ରୁଟରେ ୧୦୯ଟି ବସ ଚଳାଚଳ କରୁଛି ।

ଖୁବଶୀଘ୍ର ‘ମୋ ବସ’ ସେବା ସ୍ୱାଭାବିକ ହେବ । ଏବଂ କରୋନା ଯୋଗୁଁ ସମସ୍ତ କଟକଣାକୁ ଗୁରୁତ୍ୱ ଦେବାସହ ଅନଲାଇନ ଟିକେଟ ଉପରେ ଦିଆଯାଉଛି ଗୁରୁତ୍ୱ । ଏହା ସହ  ଜାନୁଆରୀ ସୁଦ୍ଧା ଅଧିକ ୫୦ଟି ଇ-ବସ ବା ଏଲେକ୍ଟ୍ରିକ ବସ ମୋ ବସ ସେବାରେ ସାମିଲ ହେବ ।

Opn Commnet Area

Leave a Reply

Your email address will not be published. Required fields are marked *

Close Bitnami banner