କରୋନା ମହାମାରୀ ଲାଗି ବାତିଲ ହୋଇଛି ଏସବୁ ପରୀକ୍ଷା; ଜାଣନ୍ତୁ ନୂଆ ତାରିଖ

ନୂଆଦିଲ୍ଲୀ: କରୋନା ମହାମାରୀର ପ୍ରକୋପରେ ସାରା ଦେଶବାସୀ ପ୍ରଭାବିତ ହୋଇଥିବା ବେଳେ ଏଥିଯୋଗୁଁ ଅନେକ ପରୀକ୍ଷା ସ୍ଥଗିତ କିମ୍ବା ବାତିଲ ହୋଇଛି ।

ଯଦିଓ ପରୀକ୍ଷା ଗୁଡିକ ପୁନର୍ବାର ଆୟୋଜିତ କରାଯାଉଛି । ତେବେ ଆସନ୍ତୁ ଜାଣିବା ସ୍ଥଗିତ କିମ୍ବା ବାତିଲ ହୋଇଥିବା ପରୀକ୍ଷା ଗୁଡିକ ଆଉ କେଉଁ ନୂଆ ତାରିଖରେ ଆୟୋଜିତ କରାଯିବ ।

SBI PO EXAM

ଗତ ନଭେମ୍ବର ୧୩ ତାରିଖରେ ଜାରି ହୋଇଥିବା ନୋଟିଫିକେସନ୍ ଅନୁଯାୟୀ, ଏହାର ପ୍ରାରମ୍ଭିକ ପରୀକ୍ଷା ୨୦୨୦ ମସିହା ଡିସେମ୍ବର ୩୧, ୨୦୨୧ ମସିହା ଜାନୁଆରୀ ୨, ୪, ୫ ଓ ୨୯ରେ ଆୟୋଜିତ ହେବ । ସେହିପରି ୩ୟ ପର୍ଯ୍ୟାୟ ପରୀକ୍ଷା ଫେବୃଆାରୀ/ମାର୍ଚ୍ଚରେ ହେବ ।

IBPS RRB Mains Exam

ଅଫିସର୍ସ ସ୍କେଲ୍ l- ୨୦୨୧ ମସିହା ଜାନୁଆରୀ ୩୦ରେ ହେବ ।

ଅଫିସ୍ ଆସିଷ୍ଟାଣ୍ଟ- ୨୦୨୧ ମସିହା ଫେବୃଆାରୀ ୨୦ ହେବ ।

EXIM Bank- ଏହି ବ୍ୟାଙ୍କର ମ୍ୟାନେଜର ପୋଷ୍ଟ ପଦବୀ ପରୀକ୍ଷା କରୋନା ଯୋଗୁଁ ବାତିଲ ହୋଇଥିଲା । ତେବେ ଆବେଦନକାରୀଙ୍କର ଆବେଦନ ଶୁଳ୍କ ଓ ସୂଚନା ଶୁଳ୍କ ଫେରସ୍ତ କରାଯିବ ।

ଛତିଶଗଡ଼ ଲୋକ ସେବା ଆୟୋଗ-

ଛତିଶଗଡ଼ ଲୋକ ସେବା ଆୟୋଗ ପଶୁ ଚିକିତ୍ସା ସହାୟକ ସର୍ଜନ ପଦ ଲାଗି ସାକ୍ଷାତକାର ୨୦୨୦ ମସିହା ଡିସେମ୍ବର ୨୬ରୁ ୩୦ ମଧ୍ୟରେ ହେବ ।

OSSC ପରୀକ୍ଷା-

ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ୍ (OSSC) ଅଫିସିଆଲ୍ ୱେବସାଇଟରେ ବରିଷ୍ଠ ଆର୍ଥିକ ଯାଞ୍ଚକର୍ତ୍ତା ପରୀକ୍ଷା ୨୦୧୫ ପାଇଁ ସାକ୍ଷାତକାର ତାଲିକା ପ୍ରକାଶ କରିଛି । ଡିସେମ୍ବର ୧୮ରୁ ୨୧ ତାରିଖ ଯାଏ ଭାଇବା ଟେଷ୍ଟ ଆୟୋଜିତ ହେବ । ସେହିଭଳି ମଧ୍ୟପ୍ରଦେଶ ବୃତ୍ତିଗତ ପରୀକ୍ଷା ବୋର୍ଡ ଅଫିସିଆଲ୍ ୱେବସାଇଟରେ ଜେଲ୍ ପ୍ରହରୀ ପୋଷ୍ଟ ୨୦୨୦ ପାଇଁ ସଂଶୋଧିତ ପରୀକ୍ଷା ତାରିଖ ଜାରି କରିଛି । MPPEB ଜେଲ୍ ପ୍ରହରୀ ପଦ ଲାଗି ଡିସେମ୍ବପ ୧୧ରୁ ୨୪ ଯାଏଁ ପରୀକ୍ଷା ଆୟୋଜିତ ହେଉଛି ।