୨୩ ଥାନାରେ ୮ ହଜାର ୯୬୭ଟି ମାମଲା

ଭୁବନେଶ୍ୱର: କମିଶନରେଟ ପୋଲିସର ଭୁବନେଶ୍ୱର ୟୁପିଡର ୨୩ଟି ଥାନାରେ ମାମଲା ରୁଜୁ ଓ ତଦନ୍ତ ଶେଷ ନେଇ ବାର୍ଷିକ ରିପୋର୍ଟ କାର୍ଡ । ଚଳିତ ବର୍ଷ ଡିସେମ୍ବର ୨୦ ତାରିଖ ସୁଦ୍ଧା ୮ ହଜାର ୯୬୭ ଟି ମାମଲା ରୁଜୁ ହୋଇଛି । କ୍ୟାପିଟାଲ ଥାନାରେ ସର୍ବାଧିକ ୮୨୪ ଟି ମାମଲା ରୁଜୁ ହୋଇଥିବାବେଳେ ଜଟଣୀ ଥାନାରେ ୬୮୧ ଟି ଏବଂ ଖଣ୍ଡଗିରି ଥାନାରେ ୬୪୬ ଟି ମାମଲା ରୁଜୁ ହୋଇଛି । ସେହିପରି ନନ୍ଦନକାନନ, ମହିଳା ଥାନା ଏବଂ ଧଉଳି ଥାନାରେ ୧୪୬, ୧୬୨ ଏବଂ ୧୯୬ ଟି ମାମଲା ହୋଇଛି ।

ଗତବର୍ଷ ଭୁବନେଶ୍ୱରରେ ମୋଟ ୭ ହଜାର ୬୭୪ ଟି ମାମଲା ରୁଜୁ ହୋଇଥିବା ବେଳେ ଏ ବର୍ଷ ଅଧିକ ୨୯୩ ଟି ମାମଲା ପଞ୍ଜୀକୃତ ହୋଇଛି । ସେହିପରି ଚଳିତ ବର୍ଷ ଡିସେମ୍ବର ୨୦ ସୁଦ୍ଧା ଭୁବନେଶ୍ୱରର ବିଭିନ୍ନ ଥାନାରେ ମୋଟ ୧୧ ହଜାର ୨୦୨ ଟି ମାମଲାର ତଦନ୍ତ ଶେଷ କରିଛି ପୋଲିସ । ସେଥିମଧ୍ୟରୁ ସହିଦନଗର ଥାନା ସର୍ବାଧିକ ୯୯୦ ଟି ମାମଲାର ତଦନ୍ତ ଶେଷ କରିଛି ।

ଖଣ୍ଡଗିରି ୮୯୬ ଓ ମଞ୍ଚେଶ୍ୱର ଥାନାରେ ୭୮୬ ଟି ମାମଲାର ତଦନ୍ତ ଶେଷ ହୋଇଛି । ୨୦୨୧ରେ ୧ ହଜାର ୩୧୫ ଥର ଭିଭିଆଇପି, ଭିଆଇପି ଗସ୍ତ ପାଇଁ ହୋଇଥିଲା । ଆଇନ ଶୃଙ୍ଖଳା ପରିସ୍ଥିତି ପାଇଁ ୧ ହଜାର ୪୨୨ ଥର ସୁରକ୍ଷା ବ୍ୟବସ୍ଥା କରିଥିଲା ପୋଲିସ । ଡିସିପି ଅଫିସରେ ଥିବା CASE CLOSURE UNIT ତଦନ୍ତ ଶେଷ କରିବା ପାଇଁ ତଦନ୍ତକାରୀ ଅଫିସରମାନଙ୍କ ଉପରେ ନ୍ୟସ୍ତ ଥିବା ମାମଲା ଗୁଡିକର ସମୀକ୍ଷା କରିବା ସହିତ ତୁରନ୍ତ ତଦନ୍ତ ଶେଷ କରିବା ପାଇଁ ସହଯୋଗ କରିଥିଲେ ।