ରାଜଧାନୀରେ ରାସ୍ତା କଡ଼ରେ ଖଟି କରୁଥିଲେ ସାବଧାନ ! ଗୋଡ଼ାଇ ଗୋଡ଼ାଇ ଧରୁଛି କମିଶନରେଟ ପୋଲିସ

ଭୁବନେଶ୍ୱର: ରାଜଧାନୀରେ ରାସ୍ତା କଡ଼ରେ ଖଟି କରୁଥିଲେ ସାବଧାନ । ଗୋଡ଼ାଇ ଗୋଡ଼ାଇ ଧରୁଛି କମିଶନରେଟ ପୋଲିସ । ଖଟି ଓ ମଦୁଆ ଆଡ୍ଡାରେ ଚଢ଼ାଉ କରୁଛି ପୋଲିସ । କ୍ୟାପିଟାଲ, ଖାରବେଳନଗର, ଖଣ୍ଡଗିରି ଲକ୍ଷ୍ମୀସାଗର ଥାନା ଅଞ୍ଚଳରେ ହୋଇଛି ରେଡ୍ । ରାତି ପ୍ରାୟ ୯ଟା ବେଳେ ଚଢ଼ାଉ ଆରମ୍ଭ ହୋଇଥିବାବେଳେ ୧୨ ଜଣଙ୍କୁ ଥାନାରେ ଅଟକ ରଖାଯାଇଛି ।

ମଦୁଆଙ୍କଠାରୁ ୧୮ ହଜାର ଟଙ୍କା ଫାଇନ ଆଦାୟ କରାଯାଇଛି । ସେଫ ସିଟି ଡ୍ରାଇଭ ଅଧୀନରେ ନୀତିଦିନ ଏଭଳି ଚଢ଼ାଉ ଜାରି ରଖିଛି କମିଶନରେଟ ପୋଲିସର ବିଭିନ୍ନ ଥାନା ଓ POPD ଟିମ । ବିଳମ୍ବିତ ରାତିରେ ରାଜଧାନୀର ବିଭିନ୍ନ ଛକ ମାନଙ୍କରେ ଚେକିଂ ଓ ବ୍ଳକିଙ୍ଗକୁ ମଧ୍ୟ କଡାକଡି କରାଯିବ । ସହରରେ ଅପରାଧ ନିୟନ୍ତ୍ରଣ ପାଇଁ ଆଗକୁ ମଧ୍ୟ ଏଭଳି ଚଢ଼ାଉ ଜାରି ରହିବ ବୋଲି ସୂଚନା ଦେଇଛନ୍ତି ଭୁବନେଶ୍ବର ଡିସିପି ପ୍ରତୀକ ସିଂ ।