ରାଜଧାନୀରେ ଧାରଣା ମନା, ସୁଇମିଂ ପୁଲ୍ ବି ରହିବ ବନ୍ଦ
1 min read
ଭୁବନେଶ୍ୱର: କରୋନାକୁ ନେଇ ଏବେ ସାରା ବିଶ୍ୱରେ ଭୟର ବାତାବରଣ ଦେଖା ଦେଇଛି । ଭୟରେ ଦେଶରୁ ଦେଶକୁ ଯିବା ପାଇଁ ସବୁ ରାସ୍ତକୁ ବନ୍ଦ କରାଯାଉଛି । ଭାରତ ରେ କରୋନା ଭୟରେ ଭିସା ଲାଇସେନ୍ସକୁ ମଧ୍ୟ କିଛି ଦିନ ପାଇଁ ରଦ୍ଧ କରାଯାଇଛି । କୌଣସି ଜରୁରୀକାଳୀନ ପରିସ୍ଥିତି ନହେଲେ କେହି ବାହାର ଦେଶକୁ ଯାଇପାରିବେ ନାହିଁ ବୋଲି ମଧ୍ୟ ଆଡଭାଇଜରି ଜାରି କରାଯାଇଛି ।
ସେପଟେ ଦେଶର ବିଭିନ୍ନ ସ୍ଥାନରେ ସ୍କୁଲ କଲେଜ ଏବଂ ଫିଲ୍ମି ହଲକୁ ମଧ୍ୟ ବନ୍ଦ କରାଯାଇଛି । ଏଭଳି ସମ୍ବେଦନଶିଳ ମୁହୂର୍ତ୍ତରେ ଓଡିଶାରେ ମଧ୍ୟ କରୋନାକୁ ନେଇ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଇଛନ୍ତି । ପ୍ରଥମେ ସ୍କୁଲ କଲେଜ ବନ୍ଦ ହେବା ପରେ ଏବ ଏକ ବଡ଼ ନିଷ୍ପତି ନିଆଯାଇଛି । ସୁରକ୍ଷା ଦୃଷ୍ଟିରୁ କରୋନାକୁ ନେଇ କମିଶନରେଟ ପୋଲିସ ସଚେତନତା ଆରମ୍ଭ କରିଛି । ଟ୍ୱିନ ସିଟିର ସବୁ ସଭା ସମିତିକୁ କମିଶନରେଟ ପୋଲିସ ରଦ୍ଦ କରିଛି । ଗାନ୍ଧି ମାର୍ଗରେ ଧାରଣା ରେ ବସି ପାରିବେ ନାହିଁ ବୋଲି ବଡ଼ ନିଷ୍କତି ନିଆଯାଇଛି ।
ଖାଲି ସେତିକି ନୁହେଁ କମିଶନରେଟ ପୋଲିସ ପୋଲିସ ପକ୍ଷରୁ ଟ୍ୱିନ୍ ସିଟିରେ ସବୁ ସଭା ସେମିତି କୁ ରଦ୍ଦ କରାଯାଇଛି । ହୋଟେଲ ହେଉକି ସ୍ପୋର୍ଟସ ସେଣ୍ଟର ସବୁଠି ଥିବା ସୁଇମିଂ ପୁଲକୁ କେହି ବ୍ୟବହାର କରିପାରିବେ ନାହିଁ ବୋଲି ଗାଇଡଲାଇନ୍ ଜାରି ହୋଇଛି । ସେପଟେ ପୋଲିସ ବାରାକକୁ ନେଇ ସଚେତନ ଅଛି ପୋଲିସ । ଯେଉଁ କର୍ମଚାରୀ ମାନଙ୍କ ଦେହ ଖରାପ ହୁଏ , ସଂଗେ ସଂଗେ ଛୁଟି ଦିଆଯିବ ବୋଲି ପୋଲିସ କମିଶନର କହିଛନ୍ତି ।
