ରାଇଡର୍ ଗ୍ୟାଙ୍ଗ: ପ୍ରାତଃ ଭ୍ରମଣକାରୀଙ୍କୁ ଟାର୍ଗେଟ କରୁଥିଲେ,ଏବେ ପୋଲିସ ଟାର୍ଗେଟରେ

ଭୁବନେଶ୍ୱର: ଅଳ୍ପ ବୟସରେ ଭେଟେରାନ୍ କ୍ରିମିନାଲ୍ । ପାହାନ୍ତି ପ୍ରହରରେ ହେଉ ଅବା ଅନ୍ଧାର ରାତିରେ, ହାବୁଡ଼େ ପଡ଼ିଲେ ରାଉଣ୍ଡ ଅପ୍ କରୁଥିଲେ ରାଇଡର ଗ୍ୟାଙ୍ଗ୍ । ହଣାମରା କରି ଲୁଟୁଥିଲେ । ଆଜି ଏହି ରାଇଡର ଗ୍ୟାଙ୍ଗର ରିଙ୍ଗମାଷ୍ଟର ରାଜେଶ ମହାପାତ୍ର ଘରେ ରେଡ୍ କରିଛି ପୋଲିସ୍ । ମାରଣାସ୍ତ୍ର ମଧ୍ୟ ଜବତ କରିଛି ହେଲେ ଗ୍ୟାଙ୍ଗର ସବୁ ସଦସ୍ୟ ଫେରାର୍ ମାରିଛନ୍ତି ।

ଗୁରୁବାର । ଅପରାହ୍ଣ ଗୋଟାଏ । ହଠାତ୍ ୧୦ଟି ପୋଲିସ ଭ୍ୟାନ ଲାଗିଲା ୬ ନମ୍ବର ପିଚୁ ପଡ଼ିଆ ବସ୍ତି ଆଗରେ । ସ୍ଥାନୀୟ ଲୋକ କିଛି ବୁଝିବା ପୂର୍ବରୁ ମାଳ ମାଳ ପୋଲିସ୍ ଧାଇଁଲେ ବସ୍ତି ଭିତରକୁ । ତାଲାବନ୍ଦ ଏକ ଘରେ ପଶିବାକୁ ପୋଲିସ ଉଦ୍ୟମ କଲା । ତାଲା ନଖୋଲିବାରୁ ପଛପଟ ରାସ୍ତା ଦେଇ ରୁମ ଭିତରକୁ ଗଲା ପୋଲିସ । ଘରର କୋଣ ଅନୁକୋଣରେ ଚାଲିଲା ସର୍ଚ୍ଚ ଅପରେସନ୍ । ଆସିଲା ମେଟାଲ ଡିକ୍ଟେଟର । ଲାଗିଲା ଘର ଭିତରେ ବୋମା ଅଛି । ହେଲେ ପରେ ଜଣାପଡ଼ିଲା ଘର ଭିତରେ ମାରଣାସ୍ତ୍ର ସହ ବନ୍ଧୁକ ଅଛି । ଏ ଘର ହେଉଛି ମାତ୍ର ୨୦ବର୍ଷ ବୟସରେ ଭେଟେରାନ୍ କ୍ରିମିନାଲ ସାଜିଥିବା ରାଜେଶ ମହାପାତ୍ର ।

ଚଢ଼ାଉ ବେଳେ ମେଟାଲ ଡିକ୍ଟେଟର ସାହାଯ୍ୟରେ ପୋଲିସ୍ ଖୋଳି ବାହାର କରିଛି ଭୂଜାଲି ଓ ଖେଳନା ବନ୍ଧୁକ । ତା’ ସହ ମିଳିଲା ଖେଳନା ଗୁଳି। ଅନ୍ଧାର ହେଲେ ବନ୍ଧୁକ ଦେଖାଇ ରାଜେଶ ଓ ତା’ ସାଙ୍ଗ ଲୋକଙ୍କୁ ଭୟଭୀତ କରି ଲୁଟୁଥିଲେ । ଯେଉଁ ଲୋକ ବନ୍ଧୁକକୁ ଡରୁ ନଥିଲେ, ରାଜେଶର ସହେଯାଗୀ ଖେଳନା ଗୁଳି ଚଳାଇ ଲୋକଙ୍କୁ ଆତଙ୍କିତ କରୁଥିଲା ।

କେତେବେଳେ ବଡ଼ି ଭୋରୁ ମାଆ ଓ ଛୁଆଙ୍କୁ ହାଣି ଲୁଟ ତ ପୁଣି କେବେ ଡକାୟତି । ବାଇକରେ ଆସୁଥିଲେ, ହାଣୁଥିଲେ ଓ ଲୁଟୁଥିଲେ । ଟାର୍ଗେଟରେ ଥିଲେ ମର୍ଣ୍ଣିଂ ଓ୍ୱାର୍କରେ ବାହାରୁଥିବା ଲୋକ । ବିଳମ୍ବିତ ରାତିରେ ଫେରୁଥିବା ବ୍ୟବସାୟୀଙ୍କୁ ପିଛା କରୁଥିଲେ ରାଇଡର୍ ଗ୍ୟାଙ୍ଗ । ପୋଲିସ୍ ରାଜେଶର ଘରୁ ମାରଣାସ୍ତ୍ର ଜବତ କରିଛି । ହେଲେ ପାତାଳି ହୋଇଛନ୍ତି ରାଉଡର ଗ୍ୟାଙ୍କର ଟିମ୍ ସଦସ୍ୟ ।

ଏଥିସହିତ ପଢ଼ନ୍ତୁ: କର୍ଫ୍ୟୁ ଲଗାଇଛି ଖରା: ସୁବର୍ଣ୍ଣପୁର ସହର ଖାଁ ଖାଁ