ଅପରାଧମୁକ୍ତ ବସ୍ତି ପାଇଁ କମିଶନରେଟ୍ ପୋଲିସର ନୂଆ ଅଭିଯାନ
1 min read
ଭୁବନେଶ୍ୱର: ରାଜଧାନୀରେ କମିଶନରେଟ୍ ପୋଲିସର ଚିନ୍ତା ବଢ଼ାଇଛି ଅପରାଧ । ଭୁବନେଶ୍ୱରରେ ଅପରାଧମୁକ୍ତ ବସ୍ତି ପାଇଁ କମିଶନରେଟ୍ ପୋଲିସ ନୂଆ ଅଭିଯାନ ଆରମ୍ଭ କରିଛି । କମିଶନରେଟ୍ ପୋଲିସ ପକ୍ଷରୁ ‘ବସ୍ତିକୁ ଚାଲ ଅଭିଯାନ’ ଆରମ୍ଭ ହୋଇଛି । ଅଭିଯାନ ପ୍ରକାରେ- ଏଣିକି ଘରଭଡ଼ା ଦେଲେ ଥାନାକୁ ଜଣାଇବେ ଘର ମାଲିକ । ଏହାଦ୍ୱାରା ଭାରତରେ ଥିବା ଯେ କୌଣସି ଲୋକଙ୍କ ଡାଟାବେସ୍ ଜାଣିହେବ ।
ସେତିକି ନୁହେଁ ବାହାର ରାଜ୍ୟର ଲୋକଙ୍କୁ ଭଡ଼ା ଦେଉଥିଲେ ଘର ମାଲିକ ପୋଲିସକୁ ଅବଗତ କରାଇବେ । ଭଡ଼ାଟିଆଙ୍କର ପରିଚୟପତ୍ର ଯାଞ୍ଚ କରାଯିବ । ପ୍ରତି ସପ୍ତାହରେ କମିଶନରେଟ୍ ପୋଲିସ୍ ୫ରୁ ୬ଟି ବସ୍ତିକୁ ଯିବ । ବସ୍ତିର ପିଲାଙ୍କୁ କମିଶନରେଟ୍ ପୋଲିସରେ ସହଯୋଗ ପାଇଁ ସାମିଲ୍ କରାଯିବ । ଅପରାଧ ରେକର୍ଡ ଥିବା ଯୁବକଙ୍କୁ ସ୍କାନରରେ ରଖିବ କମିଶନରେଟ୍ ପୋଲିସ ।
