ରାଜଧାନୀରେ ବୋମାମାଡ଼ ଘଟଣାରେ ମାଷ୍ଟରମାଇଣ୍ଡ ସହ ୮ ଗିରଫ

ଭୁବନେଶ୍ବର: ରାଜଧାନୀ ଭୁବନେଶ୍ବରର ଇନ୍ଫୋଭେଲି ଓ ନୟାପଲ୍ଲୀ ଥାନା ଅଞ୍ଚଳରେ ବୋମା ମାଡ଼ ଘଟଣାରେ ମାଷ୍ଟରମାଇଣ୍ଡ ବସନ୍ତ ମହାପାତ୍ର ସହ ୮ ଅଭିଯୁକ୍ତ ଗିରଫ । ବୋମା ଯୋଗାଇଥିବା ଅଭିଯୁକ୍ତକୁ ଚନ୍ଦନପୁରରୁ ଗିରଫ କରିଛି କମିଶନରେଟ ପୋଲିସ । ତା’ ପାଖରୁ ୪ ଅଫୁଟା ବୋମା  ଓ ବୋମା ତିଆରି ସାମଗ୍ରୀ ଜବତ କରାଯାଇଛି ।

ବସନ୍ତ ପେସାରେ ଜଣେ ଜମି ବ୍ରୋକର । ମଧ୍ୟସ୍ଥି ହୋଇ ଜମି ବିକ୍ରି କରାଇଥିଲେ ବସନ୍ତ । ପରେ ଜମିରେ ବିବାଦ ଥିବା ଜାଣିପାରିଥିଲେ ସଂପୃକ୍ତ ବିଲଡର । ତେଣୁ ଜମି ମାଲିକଙ୍କଠାରୁ ଟଙ୍କା ଫେରାଇବା ପାଇଁ ଦାବି କରିଥିଲେ ।

ବସନ୍ତ ଟଙ୍କା ଫେରି ପାଇବାର ବ୍ୟବସ୍ଥା କରିବା ବଦଳରେ ବିଲଡରଙ୍କୁ ଡରେଇବାକୁ ପ୍ଳାନ କରିଥିଲେ । ଏଥିପାଇଁ ଏକ ଗ୍ୟାଙ୍ଗ ସହ ବସନ୍ତ ଯୋଗାଯୋଗ କରିଥିଲା । ବୋମା ପକାଇବା ପୂର୍ବରୁ ଘଟଣା ସ୍ଥଳରେ ରେକି କରିଥିଲେ ଅଭିଯୁକ୍ତ । ସିସିଟିଭି ଆଧାରରେ ସମସ୍ତ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ ।