ଖୋଲିବ ଆକାଶଙ୍କ ଅନ୍ଧାରୀ ଇଲାକା, ରିମାଣ୍ଡରେ ନେବ କମିସନରେଟ ପୋଲିସ
ଭୁବନେଶ୍ବର: ଆକାଶଙ୍କ ଠକେଇ ଚକ୍ରବ୍ୟୂହର ଖୋଲିବ ଗୁମର । ଜାଲି ଦସ୍ତଖତର ତଦନ୍ତ କରିବ କମିଶନରେଟ ପୋଲିସ । ରିମାଣ୍ଡରେ ନେବାକୁ ଏସଡିଜେଏମ କୋର୍ଟଙ୍କୁ ଅବଗତ କରିଛି କମିଶନରେଟ ପୋଲିସ । ଆକାଶଙ୍କ ବିରୋଧରେ ଠକେଇ ମାମଲା ଥିବା ନେଇ ଖାରବେଳ ନଗର ଥାନା ପୋଲିସ ଜଣାଇଛି । ସେପଟେ ଆକାଶକୁ ରିମାଣ୍ଡରେ ନେବାକୁ ଦିନେ କିମ୍ବା ଦୁଇ ଦିନ ଭିତରେ ଆବେଦନ କରିବ କମିସନରେଟ ପୋଲିସ ।
ଏନଇ ଖୋର୍ଦ୍ଧା ଏସଡିଜେଏମ୍ କୋର୍ଟକୁ ଅବଗତ କରିଛି ପୋଲିସ । ଭୁବନେଶ୍ବର ଡିସିପି ଉମାଶଙ୍କର ଦାସ କହିଛନ୍ତି ଆକାଶ ପାଠକ ନ୍ୟାୟିକ ହେପାଜତରେ ବର୍ତ୍ତମାନ ଅଛି । କୋର୍ଟର ରିମାଣ୍ଡ ସରିଲେ କମିଶନରେଟ ପୋଲିସ ଅକାଶ ପାଠକକୁ ହେପାଜତ ନେବା ପାଇଁ ଅପିଲ କରିବ । ତଦନ୍ତ ପରିସରକୁ ଯିଏ ଆସିବ ତାକୁ ନିଆଯିବ ବୋଲି କହିଛନ୍ତି ଡିସିପି । ସେପଟେ ଦସ୍ତଖତ ଯାଞ୍ଚ ପାଇଁ ହ୍ୟାଣ୍ଡ ରାଇଟିଙ୍ଗ ବ୍ୟୁରୋ ଯିବ ଆକାଶଙ୍କ ହସ୍ତାକ୍ଷର । ନିଜେ ବିଛାଇଥିବା ମିଛ ସାମ୍ରାଜ୍ୟର ଜାଲରେ ଦିନକୁ ଦିନ ଛନ୍ଦି ହୋଇଯାଉଛନ୍ତି ଜୁନିଅର ପାଠକ ।
କ୍ରାଇମବ୍ରାଞ୍ଚ ଓ ଭିଜିଲାନ୍ସର ତନଘନା ପରେ ଏବେ ଆକାଶଙ୍କୁ ଘେରିବାକୁ ପ୍ରସ୍ତୁତି କରୁଛି କମିଶନରେଟ ପୋଲିସ । ସ୍କାଏ କିଙ୍ଗ୍ ଠକେଇ ମାମଲାରେ ଆକାଶଙ୍କୁ ରିମାଣ୍ଡରେ ଆଣିବ କମିଶନରେଟ ପୋଲିସ । ଦସ୍ତଖତ ନମୁନା ଯାଞ୍ଚ ପାଇଁ ହ୍ୟାଣ୍ଡରାଇଟିଂ ବ୍ୟୁରୋକୁ ପଠାଯିବ । ଟାଟା କମ୍ପାନୀ ନାଁରେ ଆପଏଣ୍ଟମେଣ୍ଟ ଲେଟରରେ ଥିବା ଆକାଶଙ୍କ ଦସ୍ତଖତକୁ ମେଳ କରାଯିବ । ସେହିପରି ଆକାଶ ଟାଟା କମ୍ପାନୀରେ ନିଯୁକ୍ତି କରିଥିଲେ କି ନାହିଁଷ ଏ ତମାମ ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିବ କମିସନରେଟ ପୋଲିସ ।
