ପୋଲିସ ପଞ୍ଝାରେ ଲୁଟେରା ଗ୍ୟାଙ୍ଗ, କଟୁରି ଦେଖାଇ ଚଳାଇଥିଲେ ଆତଙ୍କ ରାଜ୍
1 min read
ଭୁବନେଶ୍ୱର: କମିଶନରଟେ ପୋଲିସ ହାତରେ କୁଖ୍ୟାତ ପଲସର ଲୁଟେରା ଗ୍ୟାଙ୍ଗ। ୩ ଜଣ ଦୁର୍ଦାନ୍ତ ଲୁଟେରାକୁ ଗିରଫ କଲା ସ୍ପେଶାଲ ସ୍କ୍ୱାର୍ଡ। ଲକ୍ଷାଧିକ ଟଙ୍କାର ସୁନା ଗହଣା ଓ ଟଙ୍କା ଜବତ। କିଛି ଦିନ ଧରି କଟୁରିରେ ଆକ୍ରମଣ କରି ଆତଙ୍କ ଖେଳାଇଥିଲେ ଏହି ଲୁଟେରା ଗ୍ୟାଙ୍ଗ। ଗ୍ୟାଙ୍ଗ ବାବଦରେ ପ୍ରେସମିଟରେ ସୂଚନା ଦେବେ ପୋଲିସ କମିଶନର। କଟକ-ଭୁବନେଶ୍ୱର କମିଶନରେଟ ପୋଲିସ ଅଞ୍ଚଳରେ ଚଳାଇଥିଲେ ଆତଙ୍କ ରାଜ।
ଗତ କିଛି ଦିନ ହେଲା ଭୁବନେଶ୍ୱରରେ ଏମାନେ ପଲ୍ ସର ଗାଡ଼ିରେ ଆସି ଲୋକଙ୍କୁ କଟୁରୀରେ ଆକ୍ରମଣ କରୁଥିଲେ। ଆକ୍ରମଣ ପରେ ଆହତ ହୋଇ ପଡ଼ିଥିବା ଲୋକଙ୍କ ଠାରୁ ସୁନା ଗହଣା ଲୁଟି ନେଉଥିଲେ। ବେଶ୍ କିଛି ଦିନ ଧରି ଚାଲିଥିଲା ଏପରି କାମ। ଶେଷରେ କମିଶନରେଟ୍ ପୋଲିସର ସ୍ପେଶାଲ ସ୍କ୍ୱାର୍ଡ ପକ୍ଷରୁ ଗଠିତ ଏକ ଟିମ୍ ଏମାନଙ୍କୁ ଧରିବାରେ ସକ୍ଷମ ହୋଇଛି। ଏମାନଙ୍କ ନିକଟରୁ ଲକ୍ଷାଧିକ ଟଙ୍କାର ସୁନାଗହଣା ଜବତ ମଧ୍ୟ କରାଯାଇଛି। ବିଭିନ୍ନ ଥାନାରେ ଏମାନଙ୍କ ନାଁରେ ୩୦ରୁ ଅଧିକ ମାମଲା ରହିଥିବାର ସୂଚନା ମିଳିଛି।
