ବ୍ୟୁରୋ ରିପୋର୍ଟ: ପୁଣି ବଢିଲା ବ୍ୟାବସାୟିକ ଗ୍ୟାସ ସିଲିଣ୍ଡର ଦର। ସିଲିଣ୍ଡର ପିଛା ୨୫ ଟଙ୍କା ବଢିଛି ଗ୍ୟାସ ଦର। ଆଜିଠାରୁ ଏହି ବର୍ଦ୍ଧିତ ଦର ଲାଗୁ ହୋଇଛି। ଗ୍ୟାସ ଦର ବୃଦ୍ଧି ପରେ ୧୯ କେଜି ଗ୍ୟାସ ସିଲିଣ୍ଡର ଦର ଚେନ୍ନାଇରେ ସବୁଠାରୁ ଅଧିକ ରହିଛି। ଚେନ୍ନାଇରେ ୧୯ କେଜି କମର୍ସିଆଲ ଗ୍ୟାସ ସିଲିଣ୍ଡର ପିଛା ଦର ୧୯୬୦ ଟଙ୍କା ରହିଛି।
ଏହାପରେ କୋଲକାତାରେ ଦ୍ଵିତୀୟ ସର୍ବାଧିକ ଦର ରହିଛି । କୋଲକାତାରେ ୧୯ କେଜି ଏଲପିଜି ସିଲିଣ୍ଡର ଦର ୧୯୧୧ ଟଙ୍କା ରହିଛି। ସେହିପରି ଦିଲ୍ଲୀରେ ଏହି ଦର ରହିଛି ୧୭୯୫ ଟଙ୍କା। ମୁମ୍ବାଇରେ ୧୯ କେଜି ଏଲପିଜି ଦର ୧୭୪୯ ଟଙ୍କା ରହିଛି। ତେବେ ସାଧାରଣ ଖାଉଟିଙ୍କ ଲାଗି ବ୍ୟବହୃତ ସବଡିଜିଯୁକ୍ତ ସିଲିଣ୍ଡର ଦର ଅପରିବର୍ତ୍ତିତ ରହିଛି।
ଘରୋଇ ସିଲିଣ୍ଡର ଦରରେ କୌଣସି ବୃଦ୍ଧି ଘଟିନାହିଁ। ପ୍ରତିମାସର ପ୍ରଥମ ତାରିଖରେ ବିଭିନ୍ନ ଗ୍ୟାସ କମ୍ପାନୀ ଆନ୍ତର୍ଜାତିକ ବଜାର ଦର ଅନୁସାରେ ଏହି ଦର ସ୍ଥିର କରିଥାନ୍ତି। ଏହାସହ ବିଭିନ୍ନ ରାଜ୍ୟ ଗୁଡିକର କର ବୃଦ୍ଧି ହୋଇଥିବାରୁ ଏହି ଦର ବୃଦ୍ଧି କରିଥିବା କହିଛନ୍ତି ବିଭିନ୍ନ ତୈଳ କମ୍ପାନୀ।
