ଛତିଶଗଡ଼ରେ ଆଇଇଡି ବିସ୍ଫୋରଣ; ଜଣେ ଯବାନ ଆହତ

ସୁକମା: ଛତିଶଗଡ଼ ବିଧାନସଭା ଭୋଟ ଚାଲିଥିବା ବେଳେ ମାଓ ହିଂସା। ଆଇଇଡି ବିସ୍ଫୋରଣରେ ଜଣେ ଯବାନ ଆହତ। ସୁକମାର ତୋଣ୍ଡାମାର୍କା ଅଂଚଳରେ ଘଟିଥିଲା ଏ ବିସ୍ଫୋରଣ। ନିର୍ବାଚନ ଡ୍ୟୁଟିରେ ମୁତୟନ ଥିଲେ ଆହତ ସିଆରପିଏଫ୍ କୋବ୍ରା ବାଟାଲିୟନର ଯବାନ।

ସିଆରପିଏଫ ୨୦୬ ବାଲାଟିୟନରେ କାର୍ଯ୍ୟରତ ଇନ୍ସପେକ୍ଟର ଶ୍ରୀକାନ୍ତ ସଦଳବଳ ପାଟ୍ରୋଲିଂରେ ଯାଉଥିବାବେଳେ ଏଲମାଗୁଣ୍ଡା ଗାଁ ନିକଟରେ ଆଇଇଡି ବିସ୍ଫୋରଣ ଘଟିଥିଲା। ବିସ୍ଫୋରଣ ପରେ ଯବାନଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ଆଜି ପ୍ରଥମ ପର୍ଯ୍ୟାୟ ଭୋଟ ଲାଗି ଡ୍ୟୁଟିରେ ଯାଉଥିବାବେଳେ ଆଇଇଡି ବିସ୍ଫୋରଣ ଘଟିଥିଲା। ବିସ୍ଫୋରଣ ଘଟିଥିବା ଏହି ଅଞ୍ଚଳ କୋଣ୍ଟା ବିଧାନସଭା ନିର୍ବାଚନମଣ୍ଡଳୀ ମଧ୍ୟରେ ଅଧିନରେ ରହିଛି।

ତେବେ ଭୋଟ୍ ପୂର୍ବରୁ ଛୋଟା ବେଠିଆ ଥାନା ଅଂଚଳରେ ତିନି ଜଣ ଗ୍ରାମବାସୀଙ୍କୁ ପୋଲିସ ଇନଫର୍ମର ସନ୍ଦେହରେ ହତ୍ୟା କରି ଗାଁ ମୁଣ୍ଡ ରେ ଫିଙ୍ଗି ଦେଇଥିଲେ ମାଓବାଦୀ।