କମିଶନରେଟ ପୋଲିସ ସ୍କାନରରେ ଦୁର୍ଦ୍ଦାନ୍ତ ଅପରାଧୀ, ପୁଣି ଜଣେ ତଡିପାର

ଭୁବନେଶ୍ବର: ଆଉ ଜଣେ ଦୁର୍ଦ୍ଦାନ୍ତ ଅପରାଧୀକୁ ତଡ଼ିପାର କଲା କମିଶନରେଟ୍ ପୋଲିସ । ଅଭ୍ୟାସଗତ ଓ ପେଷାଦାର ଅପରାଧୀ କିଷନ ଓରଫ କ୍ରୀଷ୍ଣା ସିଂକୁ ତଡ଼ିପାର କରାଯାଇଛି । ତା ଘର ପାତ୍ରପଡ଼ା ଉଦୟଗିରି ବିହାରରେ । ଖଣ୍ଡଗିରି ଥାନା ଅଞ୍ଚଳ ଓ ଭୁବନେଶ୍ବର ସହରାଞ୍ଚଳ ପୋଲିସ ପାଇଁ ଏହି ତଡିପାର କଟକଣା ବଳବତ୍ତର ରହିବ ।

୨୦୧୪ରୁ ୨୦୨୨ ମଧ୍ୟରେ କିଷନ ନାଁରେ ଖଣ୍ଡଗିରି ଥାନାରେ ୮ଟି ମାମଲା ରହିଛି । ଭରତପୁର ଥାନାରେ ୨ଟି, ଏୟାରପୋର୍ଟ ଓ ଜଟଣୀ ଥାନାରେ ଗୋଟିଏ ଲେଖାଏଁ ମାମଲା ରୁଜୁ ହୋଇଛି । ଲୋକଙ୍କୁ ଭୟଭୀତ କରିବା ସହ ମାରଣାସ୍ତ୍ର ଦେଖାଇ ଲୁଟ୍ ଓ ଚୋରିରେ ଲିପ୍ତ ଥିଲା କିଷନ । ସହରାଞ୍ଚଳ ପୋଲିସ ଅଧିନିୟମ ଅନୁସାରେ ତଡ଼ିପାର ଆଦେଶ ଜାରି ହୋଇଛି । ଗତକାଲି ବାବୁ ଓରଫ ସଂଗ୍ରାମକୁ ତଡ଼ିପାର କରାଯାଇଥିଲା ।