ଯାତ୍ରାପାର୍ଟି ବିବାଦ: ଥାନର ଦ୍ବାରସ୍ଥ ହେଲେ ହାସ୍ୟ ଅଭିନେତା ନରି ପଣ୍ଡା
ନନ୍ଦିଘୋଷ ବ୍ୟୁରୋ: ଥାନାକୁ ଗଲା ଯାତ୍ରାପାର୍ଟି ମାଲିକ ଓ କଳାକାର ବିବାଦ । ତୁଳସୀ ଗଣନାଟ୍ୟ ମାଲିକ ଅନନ୍ତ ନାରାୟଣ ଧଳ ଓରଫ ନାଣ୍ଡୁ ବାବୁଙ୍କ ନାଁରେ ବାଲିଚନ୍ଦ୍ରପୁର ଥାନାରେ ଏତଲା ଦେଲେ ହାସ୍ୟ ଅଭିନେତା ନରି ପଣ୍ଡା ।
ନିଜ ଏତଲାରେ ନରି ଦର୍ଶାଇଛନ୍ତି, ନାଣ୍ଡୁ ତାଙ୍କୁ ଆକ୍ରମଣ କରିବା ସହ ଜୋରଜବରଦସ୍ତ କୋର୍ଟ ଷ୍ଟାମ ଥିବା କାଗଜରେ ଦସ୍ତଖତ ନେଇଛନ୍ତି । ତାଙ୍କ ଜୀବନ ପ୍ରତି ବିପଦ ଥିବା ସେ ଏତଲାରେ ଦର୍ଶାଇବା ସହ ଯାତ୍ରାପାର୍ଟି ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ସୂଚନାଯୋଗ୍ୟ, ଗତକାଲି ରାଜ୍ୟବାସୀଙ୍କୁ ମନୋରଞ୍ଜନ ଯୋଗାଇ ଥିଲା ଯାତ୍ରା ଜଗତର ଯାତ୍ରା । ଭୁବନେଶ୍ବରରେ ଯାତ୍ରାପାର୍ଟି ମାଲିକଙ୍କ ବୈଠକ ବସିଥିଲା । ଏଥିରେ ନରିଙ୍କ ବିବାଦ ଓ ଅନ୍ୟ କିଛି ପ୍ରସଙ୍ଗକୁ ନେଇ ଆଲୋଚନା ହୋଇଥିଲା । ବୈଠକ ପରେ ନରି ଏବଂ ଅନ୍ୟ ଜଣେ କଳାକର ପ୍ରତାପ ମହାନ୍ତିଙ୍କୁ ଯାତ୍ରା ଜଗତରୁ ଅନିର୍ଦ୍ଦିଷ୍ଟ କାଳ ପାଇଁ ବାସନ୍ଦ କରାଯାଇଥିବା କୁହାଯାଇଥିଲା । ହେଲେ ଏହାର କିଛି ସମୟ ପରେ ଯାତ୍ରାପାର୍ଟି ରାଜ ନନ୍ଦନୀ ପକ୍ଷରୁ ଆସିଥିଲା ବଡ଼ ବୟାନ । ନରି ଚାହିଁଲେ ରାଜ ନନ୍ଦନୀରେ ଯୋଗ ଦେଇପାରିବେ । ନରି ରାଜ ନନ୍ଦିନୀ ଆସିଲେ ତାଙ୍କୁ ସ୍ବାଗତ କରାଯିବ ବୋଲି ଯାତ୍ରାପାର୍ଟି ପକ୍ଷରୁ କୁହାଯାଇଥିଲା ।
