୧୫ ଦିନ ପରେ ଆଖି ଖୋଲିଲେ ରାଜୁ, କାମ ଦେଲା ବିଗ୍ ବିଙ୍କ ମୋଟିଭେସନାଲ ସ୍ପିଚ୍
ନୂଆଦିଲ୍ଲୀ: ଅମିତାଭଙ୍କ ସ୍ବର ଶୁଣି ଉଠିଲେ କି ରାଜୁ ? କାମ ଦେଲା ବିଗ ବିଙ୍କ ମୋଟିଭେସନାଲ ସ୍ପିଚ୍ ? ୧୫ ଦିନ ଧରି ହସ୍ପିଟାଲରେ ଭର୍ତ୍ତି ହୋଇଥିବା ରାଜୁଙ୍କର ଆଜି ଚେତା ଫେରିଛି । ରାଜୁଙ୍କ ସ୍ବାସ୍ଥ୍ୟାବସ୍ଥାରେ ସୁଧାର ଆସିଥିବା ବେଳେ ଅମିତାଭ ବଚ୍ଚନଙ୍କ ଡାକ ଶୁଣି ସେ ଆଖି ଖୋଲିଥିବା କୁହାଯାଉଛି । ରାଜୁ ଶ୍ରୀବାସ୍ତବ ଆଶୁ ଆରୋଗ୍ୟ କାମନା କରି ବିଗ୍ ବି ଏକ ଭଏସ ମେସେଜ ପଠାଇଥିଲେ ।
ଗତ ୨ ଦିନ ଧରି ରାଜୁଙ୍କୁ ଅମିତାଭ ବଚ୍ଚନଙ୍କ ଭଏସ୍ ମେସେଜ ଶୁଣାଯାଉଥିଲା । ଶେଷରେ ତାଙ୍କ ଭଏସ ଶୁଣି ରାଜୁଙ୍କ ଚେତା ଫେରିଥିବା କୁହାଯାଉଛି । ଅଗଷ୍ଟ ୧୦ ତାରିଖରେ ଜିମରେ ବ୍ୟାୟାମ କରୁଥିବା ବେଳେ ରାଜୁ ଶ୍ରୀବାସ୍ତବଙ୍କୁ ହୃଦଘାତ ହୋଇଥିଲା । ତାଙ୍କୁ ଦିଲ୍ଲୀର ଏମ୍ସରେ ଭେଣ୍ଟିଲିଟର ସପୋର୍ଟରେ ରଖାଯାଇଥିଲା ।
