ଜିଲ୍ଲାପାଳଙ୍କୁ ମିଠା ପ୍ଯାକେଟରେ ଲାଞ୍ଚ ଦେଇ ଅମ୍ବୁଜା ସିମେଣ୍ଟର ବରିଷ୍ଠ ଅଧିକାରୀ ଗିରଫ

ନନ୍ଦିଘୋଷ ବ୍ୟୁରୋ: ଜିଲ୍ଲାପାଳଙ୍କୁ ମିଠା ପ୍ଯାକେଟରେ ଲାଞ୍ଚ । ବରଗଡ଼ ଜିଲ୍ଲାପାଳ ଆଦିତ୍ଯ ଗୋଏଲଙ୍କୁ ୨ ଲକ୍ଷ ଟଙ୍କା ଲାଞ୍ଚ ଯାଚି ଗିରଫ ହୋଇଛନ୍ତି ଅମ୍ବୁଜା ସିମେଣ୍ଟର ବରିଷ୍ଠ ଅଧିକାରୀ । ଗିରଫ ଅଧିକାରୀ ହେଲେ ଛତିଶଗଡ଼ ଅମ୍ବୁଜା ସିମେଣ୍ଟର ଚିଫ୍ ମ୍ଯାନୁଫ୍ଯାକ୍ଚରିଂ ଅଫିସର ରମ୍ଭବ ଗାଟୁ । ଅଭିଯୋଗ ଅନୁସାରେ ରମ୍ଭବ ବରଗଡ଼ ଜିଲ୍ଲାପାଳଙ୍କୁ ଭେଟିବାକୁ ଯାଇଥିଲେ । ଏହି ସମୟରେ ଏକ ବୁକେ ସହ ମିଠା ପ୍ଯାକେଟ ଦେଇଥିଲେ । ମିଠା ପ୍ଯାକେଟରେ ଜିଲ୍ଲାପାଳଙ୍କ ସନ୍ଦେହ ହେବାକୁ ଏହାକୁ ଖୋଲିବାକୁ ପିଅନଙ୍କୁ କହିଥିଲେ । ପ୍ଯାକେଟ ଖୋଲିଲା ପରେ ସେଥିରେ ୪ଟି ୫୦୦ ଟଙ୍କିଆ ବଣ୍ଡଲ ରହିଥିବା ଜଣାପଡ଼ିଥିଲା । ଏନେଇ ସୂଚନା ଦେବାପରେ ଭିଜିଲାନ୍ସ ଜିଲ୍ଲାପାଳଙ୍କ କାର୍ଯ୍ଯାଳୟରେ ପହଞ୍ଚି ୨ ଲକ୍ଷ ଟଙ୍କା ଜବତ କରିବା ସହ ସଂପୃକ୍ତ ସିମେଣ୍ଟ କମ୍ପାନୀ ଅଧିକାରୀଙ୍କୁ ଗିରଫ କରିଛି ।  ରମ୍ଭବଭଙ୍କୁ ସମ୍ବଲପୁର ଭିଜିଲାନ୍ସ କାର୍ଯ୍ୟାଳୟକୁ ଆଣି ପଚରାଉଚରା କରାଯାଉଛି । ତେବେ ସେ କେଉଁଥିପାଇଁ ଏହି ଟଙ୍କା ଦେଉଥିଲେ ସେନେଇ ଜଣାପଡ଼ିନଥିବାବେଳେ ଭିଜିଲାନ୍ସ ଖୋଳତାଡ଼ ଜାରି ରଖିଛି ।