ମଦ ଦୋକାନୀଙ୍କୁ ମହଙ୍ଗା ପଡ଼ିଲା ମଇଳା, ଲକ୍ଷେ ଟଙ୍କା ଫାଇନ କଲେ ଜିଲ୍ଲାପାଳ
ବ୍ରହ୍ମପୁର: ଆକ୍ସନ ମୁଡରେ ଜିଲ୍ଲାପାଳ । ସାଇକେଲରେ ବୁଲିଲେ ଆଉ ସଫେଇ କାର୍ଯ୍ୟ ତଦାରଖ କରିଲେ । ଅସ୍ୱଚ୍ଛ ପରିବେଶ ପାଇଁ ଫାଇନ୍ ବି ଆଦାୟ କଲେ । ତା ସହିତ ମଦ ବିକ୍ରି କରୁଥିବା କିଛି ଦୋକାନୀ ବି ଗଣିଲେ ତଣ୍ଡ । ଗୁରୁବାର ସକାଳୁ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗ ଫୁଲ୍ ଆକ୍ସନ ମୁଡରେ ।
ୱାର୍ଡ ୱାର୍ଡ ବୁଲିବା ସହ ବିଭିନ୍ନ ଛକରେ ଥିବା ପାନ ଦୋକାନ ଓ ଅନ୍ୟ କିଛି ଦୋକାନରୁ ୧୦ହଜାର ଜରିମାନା ପକାଇଛନ୍ତି । ଏକ ଦେଶୀ ମଦ ଦୋକାନରୁ ମଧ୍ୟ ୧ଲକ୍ଷ ଟଙ୍କା ଜରିମାନା ଆଦାୟ ହୋଇଛି । ସହରକୁ କିଭଳି ସ୍ୱଚ୍ଛ ରଖାଯାଇପାରିବ ସେ ନେଇ ବୁଲି ବୁଲି ସଚେତନ କରିଛନ୍ତି ଜିଲ୍ଲାପାଳ ।
ରେଶମ ସହର କିଭଳି ରହିବ ସ୍ୱଚ୍ଛ ଓ ସୁନ୍ଦର । ସେନେଇ ଦିନ ଅପେକ୍ଷା ରାତିରେ କରାଯାଉଛି ସଫେଇ । ବହୁବାର ଲୋକଙ୍କୁ ଏନେଇ ସଚେତନ ମଧ୍ୟ କରାଯାଉଛି । ତା ପରେ ବି ଜିଲ୍ଲାପାଳଙ୍କ ସ୍ୱଚ୍ଛତା ନେଇ ତଦାରଖ ଚାଲିଛି । ଯାହାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।
