ସ୍କୁଲରେ ମଧ୍ୟାହ୍ନ ଭୋଜନ ଖାଇଲେ ଜିଲ୍ଲାପାଳ ଓ ଏସପି

ବଲାଙ୍ଗୀର: ସ୍କୁଲରେ ମଧ୍ୟାହ୍ନ ଭୋଜନ ଖାଇଲେ ଜିଲ୍ଲାପାଳ ଓ ଏସପି  । ବଲାଙ୍ଗୀର ମୁରିବାହାଲ ଓଡିଶା ଆଦର୍ଶ ବିଦ୍ୟାଳୟରେ ଅଚାନକ୍ ପହଞ୍ଚି ସ୍କୁଲ ପରିଦର୍ଶନ କରିବା ସହ ମଧ୍ୟାହ୍ନ ଭୋଜନର ମାନ ଯାଞ୍ଚ ପାଇଁ ମଧ୍ୟାହ୍ନ ଭୋଜନ କରିଥିଲେ ଜିଲ୍ଲାପାଳ ଚଞ୍ଚଳ ରାଣା ଓ ଏସପି ନୀତିନ କୁଶଲକର । ଜିଲ୍ଲାପାଳ, ଏସପି ଓ ଉପ ଜିଲ୍ଲାପାଳ ମିଶି ଏକାଠି ମଧ୍ୟାହ୍ନ ଭୋଜନ କରୁଥିବା ଭିଡିଓ ଭାଇରାଲ୍ ହେବାରେ ଲାଗିଛି  ।

ମୁରିବାହାଲ ବ୍ଲକରେ ଜିଲ୍ଲା ପ୍ରଶାସନ ତରଫରୁ ଯୁଗ୍ମ ଜନଶୁଣାଣି ହୋଇଥିଲା  । ଜନଶୁଣାଣିରେ ଯୋଗଦେଇ ଲୋକଙ୍କ ଅଭିଯୋଗ ଶୁଣିଥିଲେ ଜିଲ୍ଲାପାଳ ଓ ଏସପି  । ତେବେ ପ୍ରଶାସନର ବରିଷ୍ଠ ଅଧିକାରୀମାନଙ୍କୁ ନିଜ ପାଖରେ ପାଇ ବେଶ ଖୁସି ଅନୁଭବ କରିଥିଲେ ଗ୍ରାମବାସୀ  । ସେପଟେ ସ୍କୁଲରେ ପହଁଚି ଯେଉଁଭଳି ଭାବରେ ମଧ୍ୟାହ୍ନ ଭୋଜନର ମାନ ପରଖିଥିଲେ, ତାହା ଆଗାମୀ  ଦିନରେ  ନିମ୍ନମାନର ଖାଦ୍ୟରେ ରାନ୍ଧିବାରେ ରୋକ ଲଗାଇବ  ।