ମାଓ ଦମନ ଓ ନିଶା କାରବାର ରୋକିବା ନେଇ ଆଲୋଚନା

ଭୁବନେଶ୍ୱର: ଲାଲବାହିନୀ ବିରୋଧରେ ଓଡ଼ିଶା- ଛତିଶଗଡ଼ର ରଣନୀତି । ଉଭୟ ରାଜ୍ୟର ପୋଲିସ ଡିଜିଙ୍କ ମଧ୍ୟରେ ମିଳିତ ସ୍ୱମନୟ ବୈଠକ ଅନୁଷ୍ଠିତ ହୋଇଯାଇଛି । ଭିଡିଓ କନଫରେନ୍ସିଂ ମାଧ୍ୟମରେ ହୋଇଥିବା ବୈଠକରେ ମାଓବାଦୀ ଦମନ ଓ ନିଶା କାରାବାର ରୋକ ଉପରେ ଆଲୋଚନା ହୋଇଛି । ମାଓ ଦମନ ପାଇଁ ଉଭୟ ରାଜ୍ୟ ମଧ୍ୟରେ ଉତ୍ତମ ସମନ୍ୱୟ ଓ ଗୁଇନ୍ଦା ତଥ୍ୟ ଆଦାନପ୍ରଦାନ ଉପରେ ଗୁରୁତ୍ୱ ଦିଆଯାଇଛି । ମାଓ ମୁକାବିଲା ପାଇଁ ଉଭୟ ରାଜ୍ୟ କରିବେ ମିଳିତ ଅପରେସନ୍ ।

ସେହିଭଳି ନିଶା କାରବାର ବିରୋଧରେ କଡ଼ା ଆଭିମୁଖ୍ୟ ରହିବ । ଏନେଇ ଉଭୟ ରାଜ୍ୟ ପାଇଁ ଦୁଇ ନୋଡାଲ ଅଫିସର ରହିବେ । ଓଡ଼ିଶାରେ ଆଇଜି ଅପରସେନ ଓ ଛତିଶଗଡ଼ରେ ଏଡିଜିପି ଅପରସେନ ନୋଡାଲ ଅଧିକାରୀ ରହିବେ ବୋଲି ବୈଠକରେ ଆଲୋଚନା ହୋଇଛି । ସେହିଭଳି ନିଶା କାରବାର ଲାଗି ଓଡ଼ିଶାର ଏସଟିଏଫ ଡିଆଇଜିପି ଓ ଡିଆଇଜିପି କ୍ରାଇମବ୍ରାଞ୍ଚ ନୋଡାଲ ଅଧିକାରୀ ରହିବେ । ଆଜିର ବୈଠକର ଉଭୟ ରାଜ୍ୟର ଡିଜିପି, ସିଆରପିଏଫ ଏଡିଜି, ଆଇଜିଙ୍କ ସମେତ ବରିଷ୍ଠ ଅଧିକାରୀ ମାନେ ଉପସ୍ଥିତି ଥିଲେ ।