ଦୀପାବଳି ପୂର୍ବରୁ ଗ୍ରାହକଙ୍କୁ ବଡ଼ ଝଟକା, ଆଇଜିଏଲ ୩ ଟଙ୍କା ବଢ଼ାଇଲା ସିଏନଜି ଓ ପିଏନଜି ଦର
1 min read
ନୂଆଦିଲ୍ଲୀ: ଦିପାବଳୀ ପୂର୍ବରୁ ଗ୍ରାହକଙ୍କୁ ବଡ଼ ଝଟକା । ସିଏନଜି ଓ ପିଏନଜି ଦର ବଢ଼ାଇଲା ଆଇଜିଏଲ୍ । ୩ ଟଙ୍କା ବଢ଼ିଛି ସିଏନଜି ଓ ପିଏନଜି ଦର । ଆଜିଠୁ ବର୍ଦ୍ଧିତ ଦର ଲାଗୁ ହୋଇଛି । ଦିଲ୍ଲୀରେ ସିଏନଜି ଦାମ୍ ୭୫.୬୧ ଟଙ୍କାରୁ ବଢ଼ି ୭୮.୬୧ ଟଙ୍କା ହୋଇଛି । ସେହିପରି ନୋଇଡ଼ା, ଗ୍ରେଟର ନୋଇଡା ଓ ଗାଜିଆବାଦରେ ୭୮.୧୭ ଟଙ୍କାରୁ ବଢ଼ି ୮୧.୧୭ ଟଙ୍କା ହୋଇଛି । ଏପଟେ ରାଜ୍ୟରେ କିଲୋ ପିଛା ୧ ଟଙ୍କା ୭୪ ପଇସା ବୃଦ୍ଧି ପାଇଛି ସିଏନଜି ଦର । ଏହି ବର୍ଦ୍ଧିତ ଦର ଆଜିଠାରୁ ଲାଗୁ ହୋଇଛି । ମୂଲ୍ୟ ବୃଦ୍ଧି ପରେ CNG ଗ୍ୟାସ କିଲୋ ପିଛା ୯୩ ଙ୍କା ୦୨ ପଇସାରୁ ୯୪ ଟଙ୍କା ୭୬ ପଇସାକୁ ବୃଦ୍ଧି ପାଇଛି ।
ଗତ ୨୦ ତାରିଖରେ CNG ଗ୍ୟାସ କିଲୋ ପିଛା ୩ ଟଙ୍କା ବୃଦ୍ଧି ପାଇଥିଲା । ଫଳରେ ୩ ସପ୍ତାହରେ ଦୁଇ ଥରରେ କିଲୋ ପିଛା ୪ ଟଙ୍କା ୭୪ ପଇସା ବୃଦ୍ଧି ପାଇଛି । ବର୍ତ୍ତମାନ ଡିଜେଲ ଓ CNG ଦର ପ୍ରାୟ ସମାନ ରହିଛି । ଡିଜେଲ ଲିଟର ପିଛା ୯୪ ଟଙ୍କା ୮୬ ପଇସା ଥିବା ବେଳେ CNG କିଲୋ ପିଛା ୯୪ ଟଙ୍କା ୭୬ ପଇସା ରହିଛି । ଗ୍ୟାସ ଦର ପୂର୍ବରୁ କମ୍ ଥିବା ଓ ପ୍ରଦୂଷଣ ନିୟନ୍ତ୍ରଣ କରିବାକୁ ଯାଇ ଅନେକ ନିଜ ଡିଜେଲ ଗାଡି ବଦଳରେ CNG ଗାଡି ଆପଣାଇଥିଲେ । ବର୍ତ୍ତମାନ ଉଭୟ ଡିଜେଲ ଓ CNG ଗ୍ୟାସ ଦର ସମାନ ହୋଇଯିବା ଫଳରେ ମୁଣ୍ଡରେ ହାତ ଦେଇ ବସିଛନ୍ତି ଅଟୋ ଚାଳକ । ଭଡା ବୃଦ୍ଧି ହେଉନଥିବା ବେଳେ ଇନ୍ଧନ ଦର ବୃଦ୍ଧି ଚିନ୍ତାର କାରଣ ହୋଇଛି ।
