ଡେଲଏଟରେ ସ୍ବତନ୍ତ୍ର ସୁବିଧା, ଆଜି ଉଦଘାଟନ କରିବେ ମୁଖ୍ୟମନ୍ତ୍ରୀ

ଭୁବନେଶ୍ବର: ଆଇସିଓଏମସି କୋଠାରେ ଆଜି ଉଦଘାଟନ ହେବ ଡେଲଏଟ କମ୍ପାନୀ ଶାଖା । କାର୍ଯ୍ୟାଳୟକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତାଙ୍କ ସହିତ ରହିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରାଜ୍ୟ ଆଇଟି ମନ୍ତ୍ରୀ ତୁଷାରକାନ୍ତି ବେହେରା । ୧୨ ମହଲା ବିଶିଷ୍ଟ ଏହି କୋଠାର ୬ ତାଲାରୁ ୧୦ ତାଲା ପର୍ଯ୍ୟନ୍ତ ୫ଟି ଫ୍ଲୋରକୁ ଡେଲଏଟ ବ୍ୟବହାର କରିବ ।

ରାଜ୍ୟର ଯୁବକ ଯୁବତୀଙ୍କ ଲାଗି ଏହା ବ୍ୟାପକ ନିଯୁକ୍ତି ସୁଯୋଗ ସୃଷ୍ଟି କରିବ । ୩ଟି ସିଫ୍ଟରେ ଏଥିରେ ୫ ଶହ ଲେଖାଏ ୧୫୦୦ କର୍ମଚାରୀ କାମ କରିବେ । ପ୍ରଥମ ଥର ପାଇଁ ଏଥିରେ ଗୃହିଣୀମାନଙ୍କ ଲାଗି ବିଶେଷ ସୁବିଧା ରହିବ । ଗୃହିଣୀଙ୍କ ଲାଗି ଏଥିରେ ସ୍ବତନ୍ତ୍ର ସିଫ୍ଟ ରହିବ । ସେମାନେ ମଧ୍ୟାହ୍ନ ୧୨ଟାରୁ ସନ୍ଧ୍ୟା ୫ଟା ଯାଏ ୫ ଘଣ୍ଟା କାର୍ଯ୍ୟ କରିବେ ।

ଏଥିରୁ ଗୋଟିଏ ମହଲାକୁ ବ୍ୟବହାର କରିବ ଭୁବନେଶ୍ବର ସ୍ମାର୍ଟ ସିଟି ଲିମିଟେଡ । ୨୦୧୮ ମସିହାରେ ଏହି କୋଠା ନିର୍ମାଣ ଆରମ୍ଭ ହୋଇଥିଲା ।