ବିଜେପୁରରେ କଣ କହିଲେ ନବୀନ ?

ବିଜେପୁର ଉପନିର୍ବାଚନରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବରଗଡର କୁର୍କୁଟାରୁ ବରପାଲି ପର୍ଯ୍ୟନ୍ତ ନିର୍ବାଚନୀ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏଥିରେ ଜନସାଧାରଣଙ୍କ ଯୋଗଦାନ ଅତ୍ୟନ୍ତ ଉତ୍ସାହପ୍ରଦ ବୋଲି ମୁଖ୍ୟମନ୍ତ୍ରୀ କହିଥିଲେ। ବିଜେପୁରର ବିକାଶକୁ ଏକ ନୂଆ ଦିଗ ଦେବା ପାଇଁ ସେ ସ୍ଥାନୀୟ ଲୋକଙ୍କୁ କହିଛନ୍ତି । କେବଳ ସେତିକି ନୁହେଁ ବିଜେପୁରବାସୀଙ୍କ ସ୍ଵାଗତ ତାଙ୍କୁ ଆତ୍ମୀୟତାର ଡୋରୀରେ ବାନ୍ଧିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ।

ନିରନ୍ତର ଭାବେ ତାଙ୍କ ପ୍ରତି ଏବଂ ବିଜୁ ଜନତା ଦଳ ପ୍ରତି ବିଜେପୁରବାସୀ ଦେଇଆସିଥିବା ଭଲପାଇବା ନିକଟରେ ସେ କୃତଜ୍ଞ ବୋଲି କହିଛନ୍ତି । ବିଜେପୁର ଉପନିର୍ବାଚନରେ ବିଜୟ କେବଳ ବିଜେଡିର ବିଜୟ ନୁହେଁ ଏହା ବିଜେପୁରବାସୀଙ୍କର ବିଜୟ ବୋଲି ସେ କହିଛନ୍ତି । ଆଜି ବରଗଡ଼ରେ ରହିବା ପରେ ଆସନ୍ତାକାଲି ପୁଣି ଏକ ରୋଡ୍ ସୋରେ ଯୋଗଦେବେ ମୁଖ୍ୟମନ୍ତ୍ରୀ । ରୀତା ସାହୁଙ୍କୁ ଦଳ ଏଥର ପୁଣିଥରେ ପ୍ରାର୍ଥୀ କରିଛି । ୨୦୧୮ ଉପନିର୍ବାଚନରେ ରୀତା ୪୦ ହଜାରରୁ ଅଧିକ ଭୋଟରେ ବିଜୟୀ ହୋଇଥିଲେ ।

')}

Leave a Reply

Your email address will not be published.