ମନ୍ତ୍ରିମଣ୍ଡଳ ସହ ଶପଥ ନେଲେ ପୁଷ୍କର ସିଂହ ଧାମି, କାଲି ବସିବ କ୍ୟାବିନେଟ୍ ବୈଠକ

CM Pushkar Singh Dhami Says Upcoming Decade Is Of Uttarakhand

ଡେରାଡୁନ୍: ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ଭାବେ ଡେରାଡୁନର ପରେଡ୍ ଗ୍ରାଉଣ୍ଡରେ ଶପଥ ନେଇଛନ୍ତି ପୁଷ୍କର ସିଂହ ଧାମି । ପଦ ଓ ଗୋପନୀୟତାର ଶପଥ ପାଠ ପରେ ଆସନ୍ତାକାଲି କ୍ୟାବିନେଟ୍ ବୈଠକ ବସିବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଆଗାମୀ ଦଶନ୍ଧି ଉତ୍ତରାଖଣ୍ଡର ହେବ, ଏଥିପାଇଁ ଆମେ ପ୍ରତିବଦ୍ଧ । ଆମେ ଆଜିଠୁ ରାଜ୍ୟର ବିକାଶ ପାଇଁ କାମ କରିବୁ ବୋଲି କହିଛନ୍ତି ଧାମି ।

CM Pushkar Singh Dhami Says Upcoming Decade Is Of Uttarakhand

ଶପଥ ଗ୍ରହଣ ପରେ ପ୍ରଧାନମନ୍ତ୍ରୀ ମୋଦି, ୟୁପି ସିଏମ୍ ଯୋଗୀ ଆଦିତ୍ୟନାଥ ସମେତ ଅନେକ ନେତା ଧାମିଙ୍କୁ ଶୁଭେଚ୍ଛା ଜଣାଇଛନ୍ତି । ପିଏମ୍ ମୋଦି କହିଛନ୍ତି, ବିଗତ ୫ ବର୍ଷରେ ଦେବଭୂମି ଉତ୍ତରାଖଣ୍ଡର ବିକାଶ ଦ୍ରୁତଗତିରେ ହୋଇଛି । ମୋର ବିଶ୍ୱାସ ରହିଛି ଧାମିଙ୍କ ମନ୍ତ୍ରିମଣ୍ଡଳ ବିକାଶର ଧାରାକୁ ଆହୁରି ତ୍ୱରାନ୍ୱିତ କରିବେ । ଲୋକଙ୍କ ଆଶା ଅନୁସାରେ ଉତ୍ତରାଖଣ୍ଡର ବିକାଶ ଧାରାକୁ ଆଗେଇ ନେବେ ।

CM Pushkar Singh Dhami Says Upcoming Decade Is Of Uttarakhand

ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମିଙ୍କ ସହ କ୍ୟାବିନେଟର ଅନ୍ୟ ମନ୍ତ୍ରୀ ଶପଥ ଗ୍ରହଣ କରିଛନ୍ତି । ଗଣେଶ ଜୋଶୀ, ରେଖା ଆର୍ଯ୍ୟ, ସୁବୋଧ ଉନିୟାଲ, ପ୍ରେମଚନ୍ଦ୍ର ଅଗ୍ରୱାଲ, ସୌରଭ ବହୁଗୁଣା, ସତପାଲ ମହାରାଜ, ଧନ ସିଂହ ରାୱତ ଓ ଚନ୍ଦନ ରାମଦାସ ଧାମିଙ୍କ କ୍ୟାବିନେଟରେ ସାମିଲ୍ ହୋଇଛନ୍ତି । ତେବେ ଉତ୍ତରାଖଣ୍ଡର ନୂଆ କ୍ୟାବିନେଟରେ ସମସ୍ତଙ୍କୁ କ୍ୟାବିନେଟ ପାହ୍ୟା ମିଳିବ କେହି ରାଷ୍ଟ୍ରମନ୍ତ୍ରୀ ହେବେ ନାହିଁ ।