ଗୋଆରେ ବିଜେପି ସରକାର ଗଠନ ପାଇଁ ଦାବି କରିବେ ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ

ପାଣାଜୀ: ଗୋଆରେ ପୁଣି ଥରେ ସରକାର ଗଠନ ପାଇଁ ବିଜେପି ଆରମ୍ଭ କରି ଦେଇଛି ପ୍ରସ୍ତୁତି । ବର୍ତ୍ତମାନ ସୁଦ୍ଧା ଭୋଟ ଗଣତିରେ ବିଜେପି ୨୦ ଆସନରେ ଆଗରେ ରହିଛି । ବହୁମତଠାରୁ ଦଳ ଗୋଟିଏ ଆସନ ପଛରେ ରହିଛି । ହେଲେ ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ସରକାର ଗଠନ କରିବାକୁ ସନ୍ଧ୍ୟାରେ ରାଜ୍ୟପାଳଙ୍କ ପାଖରେ ଦାବି ରଖିବେ ବୋଲି କହି ସାରିଛନ୍ତି ।

ଅନ୍ୟମାନଙ୍କ ମଧ୍ୟରେ କଂଗ୍ରେସ ୧୨ ଆସନରେ ଆଗରେ ଥିବା ବେଳେ ଆମ ଆଦମୀ ପାର୍ଟି ୨ଟି ଓ ଅନ୍ୟନ୍ୟ ୬ ଟି ଆସନରେ ଆଗରେ ଅଛନ୍ତି ।

ଆଗରେ ଥିବା ୩ ଜଣ ସ୍ବାଧୀନ ପ୍ରାର୍ଥୀଙ୍କ ସମର୍ଥନ ବିଜେପି ସହ ଥିବା ମୁଖ୍ୟମନ୍ତ୍ରୀ ପ୍ରମୋଦ କହିଛନ୍ତି । ମୁଖ୍ୟମନ୍ତ୍ରୀ ୩୮୧ ଖଣ୍ଡ ଭୋଟରେ ବିଜୟୀ ହୋଇଛନ୍ତି । ପ୍ରମୋଦଙ୍କୁ ୧୧ ହଜାର ୭୯୫ ଭୋଟ ମିଳିଥିବା ବେଳେ ପ୍ରତିଦ୍ବନ୍ଦ୍ବି କଂଗ୍ରେସ ପ୍ରାର୍ଥୀ ଧର୍ମେଶ ସଗଲାନୀଙ୍କୁ ୧୧ ହଜାର ୪୧୪ ଭୋଟ ମିଳିଛି ।