କଟକରେ ନବୀନ, ଶିଳାନ୍ୟାସ ହେଲା ଅନ୍ତଃରାଜ୍ୟ ନେତାଜୀ ବସ ଟର୍ମିନାଲ

କଟକ: ଖାନନଗର ଠାରେ ବହୁପ୍ରତୀକ୍ଷିତ ଅନ୍ତଃରାଜ୍ୟ ବସ ଟର୍ମିନାଲର ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଆନ୍ତରାଜ୍ୟ ବସ ଟର୍ମିନାଲ ନେତାଜୀଙ୍କ ନାମରେ ନାମିତ ହୋଇଛି । ୧୮ ମାସ ଭିତରେ ନୂଆ ବସ ଟର୍ମିନାଲ କାର୍ଯ୍ୟ ଶେଷ କରିବାକୁ ଳକ୍ଷ ରଖାଯାଇଛି ।

ଏଥିପାଇଁ ୬୫କୋଟି ଟଙ୍କାର ବଜେଟ୍ ରଖିଛନ୍ତି ରାଜ୍ୟ ସରକାର । 12 ଏକର ପରିମିତ ଜମିରେ ହେବାକୁ ଯାଉଛି ଏହି ଆକର୍ଷଣୀୟ ବସ ଟର୍ମିନାଲ। ଏଠାରେ ଏକାଥରକେ 180 ଟି ବସ ରହିପାରିବାର ବ୍ୟବସ୍ଥା କରାଯାଇଛି । ପୁରୁଣା ବସ ଷ୍ଟାଣ୍ଡରେ ଥିବା ଅନୁଗୁଳ, ଭୁବନେଶ୍ୱର, ପୁରୀ ଷ୍ଟାଣ୍ଡରୁ ମଧ୍ୟ ଭିଡ଼ କମାଇବା ପାଇଁ ସ୍ୱତନ୍ତ୍ର ଯୋଜନା କରାଯାଇଛି । ଶିଳାନ୍ୟାସ ସରିଛି , ଏବେବ ଏହି ଜମିରୁ ଉଚ୍ଛେଦ କାମ ହେବ ।

ସେପଟେ ମୁଖ୍ୟମନ୍ତ୍ରୀ କଟକ ଗସ୍ତରେ ପ୍ରଥମେ ନେତାଜୀଙ୍କ ଫଟୋରେ ମାଲ୍ୟାର୍ପଣ କରିଥିଲେ । ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୫ତମ ଜୟନ୍ତୀ ଅବସରରେ ତାଙ୍କ ସ୍ମୃତିଚାରଣ କରିଛନ୍ତି । ମୁଖ୍ୟମନ୍ତ୍ରୀଙ୍କ ଏହି ଗସ୍ତ ସମୟରେ କୈଣସି ସାଧାରଣ ବ୍ୟକ୍ତି କିମ୍ବା ନେତାମନ୍ତ୍ରୀଙ୍କୁ ନେତାଜୀ ଭବନକୁ ପ୍ରବେଶ ପାଇଁ ଅନୁମତି ମିଳିନଥିଲା । ପୁଷ୍ପାର୍ପଣ ପରେ ମୁଖ୍ୟମନ୍ତ୍ରୀ ଖାନନଗର ଠାରେ ବହୁପ୍ରତୀକ୍ଷିତ ଅନ୍ତଃରାଜ୍ୟ ବସ ଟର୍ମିନାଲର ଶିଳାନ୍ୟାସ ।