ଗଞ୍ଜାମ ତାରାତାରିଣୀ ପୀଠର ବିକାଶ ପ୍ଲାନକୁ ଅନୁମୋଦନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଗଞ୍ଜାମ: ଗଞ୍ଜାମ ତାରାତାରିଣୀ ପୀଠର ବିକାଶ ପ୍ଲାନକୁ ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସିଂହଦ୍ଵାରର ପୁନରୁଦ୍ଧାର ସହ ଭକ୍ତଙ୍କ ସୁବିଧା, ରାସ୍ତା ନବୀକରଣ, ପାନୀୟଜଳ, ପ୍ରସାଦ ସେବନ ମଣ୍ଡପ, ଭାଷଣ କେନ୍ଦ୍ର, ମୁଣ୍ଡନ ହଲ୍‌ ଏବଂ ଶୌଚାଳୟ ବ୍ୟବସ୍ଥା କରାଯିବ ।

ନୂଆ ପ୍ଲାନରେ ପ୍ରସାଦ ସେବନ ମଣ୍ଡପ, ଭାଷଣ କେନ୍ଦ୍ର, ଧ୍ୟାନ କେନ୍ଦ୍ର, ଜୋତା ଷ୍ଟାଣ୍ଡ, ୱାଚ ଟାୱାର ଓ ଫାଷ୍ଟ ଏଡ୍‌ ସେଣ୍ଟର ଆଦିକୁ ସାମିଲ କରାଯାଇଛି । ସେହିପରି ମନ୍ଦିର ପଛପଟେ ଧ୍ୟାନ କେନ୍ଦ୍ର ଓ ଭିଉ ପଏଣ୍ଟ ହେବ । ଏହାକୁ ନେଷ୍ଟର ଆର୍କିଟେକ୍ଟ ସଂସ୍ଥାର ନାରାୟଣ ତ୍ରିପାଠୀ ଡିଜାଇନ କରିଛନ୍ତି । ଯାହା ଦେଶର ଏକ ଭବ୍ୟ ଧାର୍ମିକସ୍ଥଳୀରେ ପରିଣତ କରିବାର ଆଶା ଦେଖାଇଛି । ବୈଠକରେ ମୁଖ୍ୟମନ୍ତ୍ରୀ କାର୍ଯ୍ୟାଳୟର ଉପଦେଷ୍ଟା ଆର. ବାଲକ୍ରିଷ୍ଣନ, 5-T  ସଚିବ ଭି କେ ପାଣ୍ଡିଆନଙ୍କ ସମେତ ଗଞ୍ଜାମ ଜିଲ୍ଲାପାଳ ଓ ଅନ୍ୟାନ୍ୟ ପ୍ରମୁଖ ଅଧିକାରୀ ଉପସ୍ଥିତ ଥିଲେ । ତାରାତାରିଣୀ ପୀଠ ହେଉଛି ଓଡ଼ିଶାର ପୂରାତନ୍‌ ଶକ୍ତି ପୀଠମାନଙ୍କ ମଧ୍ୟରେ ଅନ୍ୟତମ ।