କିମ୍ବଦନ୍ତୀ ଖେଳାଳିଙ୍କ ସହ ନବୀନ, ୧୯୮୩ରେ ଭାରତକୁ ଦେଇଥିଲେ ବିଶ୍ୱକପ୍
ମୁମ୍ବାଇ: ୧୯୮୩ କ୍ରିକେଟ ବିଶ୍ବକପ ବିଜେତା ଭାରତୀୟ ଟିମ୍ ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁମ୍ବାଇରେ ଆୟୋଜିତ ସ୍ପୋର୍ଟ୍ସଷ୍ଟାର ଆସେସ ଆଓ୍ବାର୍ଡ-୨୦୨୩ କାର୍ଯ୍ୟକ୍ରମରେ ଭାରତୀୟ ଟିମର ଏହି କିମ୍ବଦନ୍ତୀ ଖେଳାଳିଙ୍କ ସହିତ କିଛି ସମୟ ବିତାଇଥିଲେ ମୁଖ୍ୟମନ୍ତ୍ରୀ । ସେମାନଙ୍କ ସହିତ ସୌଜନ୍ୟତାମୂଳକ ସାକ୍ଷାତ ସହିତ ୧୯୮୩ ମସିହାର ସେହି ଅବିସ୍ମରଣୀୟ ଅନୁଭୂତି ସମ୍ପର୍କରେ ଆଲୋଚନା କରିଥିଲେ।
ବିଶ୍ବକପ ବିଜୟୀ ଟିମର ଅଧିନାୟକ କପିଲ ଦେବ ଅନ୍ୟ ସଦସ୍ୟ ସୁନୀଲ ଗାଭାସ୍କର, ସନ୍ଦୀପ ପାଟିଲ, କିରନ ମୋରେ, ମହିନ୍ଦର ଅମରନାଥ, ଭେଙ୍ଗ ସରକାର, କେ. ଶ୍ରୀକାନ୍ତ, ରୋଜର ବିନି, ସୟଦ କିରମାନି, ମଦନଲାଲ, ବଲିବନ୍ଦର ସାନ୍ଧୁଙ୍କ ବେଶ୍ କିଛି ସମୟ ବିତାଇଥିଲେ ନବୀନ ।
ନବୀନଙ୍କୁ ପାଖରେ ପାଇ ବେଶ୍ ଖୁସି ପ୍ରକାଶ କରିଥିଲେ ଖେଳାଳି । କ୍ରୀଡାର ବିକାଶ ପାଇଁ ନବୀନ ନେଇଥିବା ପଦକ୍ଷେପକୁ ପ୍ରଶଂସା କରିଥିଲେ ଭାରତୀୟ ଦଳର ଏହି ପୂର୍ବତନ ଖେଳାଳି। ଶେଷରେ ସମସ୍ତଙ୍କ ସହିତ ଫଟୋ ଉଠାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
