କଳିଙ୍ଗ ଷ୍ଟାଡିୟମରେ ଓଲି ଲ୍ୟାଣ୍ଡ ବୁଲି ଦେଖିଲେ ମୁଖ୍ୟମନ୍ତ୍ରୀ ନବୀନ

ଭୁବନେଶ୍ୱର: ମନ ମୋହୁଛି ଓଲି ଲ୍ୟାଣ୍ଡ । କଳିଙ୍ଗ ଷ୍ଟାଡିୟମରେ ନିର୍ମାଣ ହୋଇଥିବା ଓଲି ଲ୍ୟାଣ୍ଡ ବୁଲି ଦେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଭିନ୍ନ ଥିମ ସହିତ ଓ ଆଲୋକ ମାଳାରେ ସଜେଇ ହୋଇଛି ଷ୍ଟାଡିୟମ । ମୁଖ୍ୟମନ୍ତ୍ରୀଙ୍କ ସହ ଫାଇଭ୍-ଟି ସଚିବ ମଧ୍ୟ ଓଲି ଲ୍ୟାଣ୍ଡ ବୁଲି ଦେଖିଛନ୍ତି । ସାଜସଜାକୁ ମୁଖ୍ୟମନ୍ତ୍ରୀ ଭରପୁର ପ୍ରଶଂସା କରିଛନ୍ତି ।

ହକି ପାଇଁ ଲୋକଙ୍କ ମଧ୍ୟରେ ଉତ୍ସାହ ଭରିବାକୁ ଏହି ବ୍ୟବସ୍ଥା କରାଯାଇଛି । ମ୍ୟାଚ ନଥିବା ଦିନ ଜନ ସାଧାରଣଙ୍କ ପାଇଁ ଏହି ସ୍ଥାନ ଖୋଲାଯାଉଛି । ଭିତରେ ବୁଲି ଲୋକେ ହକିକୁ ନେଇ ଅନୁଭବ ସାଉଣ୍ଟିପାରିବେ । ଓଲି ଲ୍ୟାଣ୍ଡର ଅନେକ ସ୍ଥାନରେ ସୁନ୍ଦର ସୁନ୍ଦର ସେଲଫି ପଏଣ୍ଟ କ୍ରୀଡା ବିଭାଗ ପକ୍ଷରୁ ନିର୍ମାଣ କରାଯାଇଛି ।