ଅପରାହ୍ନରେ ଝାରସୁଗୁଡାରେ ନିର୍ବାଚନୀ ସଭାକୁ ସମ୍ବୋଧନ କରିବେ ନବୀନ

ଝାରସୁଗୁଡା: ଆଜି ଝାରସୁଗୁଡା ଉପନିର୍ବାଚନ ପାଇଁ ପ୍ରଚାର ମଇଦାନକୁ ଓହ୍ଲାଇବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେଡି ପ୍ରାର୍ଥୀ ଦୀପାଳି ଦାସଙ୍କ ପାଇଁ ନିର୍ବାଚନୀ ସଭାରେ ସମ୍ବୋଧନ କରିବେ ସୁପ୍ରିମୋ ନବୀନ ପଟ୍ଟନାୟକ । ଅପରାହ୍ନ ସାଢେ ୪ଟା ସମୟରେ ଝାରସୁଗୁଡ଼ା ବିମାନ ବନ୍ଦରରେ ପହଞ୍ଚିବେ ମୁଖ୍ୟମନ୍ତ୍ରୀ । ପରେ ଅପରାହ୍ନ ୪ଟା ୫୦ ସମୟରେ ଅମଲିପାଲି ପଡ଼ିଆରେ ନିର୍ବାଚନୀ ସଭାରେ ଝାରସୁଗୁଡା ବାସୀଙ୍କୁ ସମ୍ବୋଧନ କରିବେ ।

ନିଜର ପ୍ରିୟ ମୁଖ୍ୟମନ୍ତ୍ରୀଙ୍କ ଭାଷଣ ଶୁଣିବାକୁ ଝାରସୁଗୁଡ଼ା ଜିଲ୍ଲାବାସୀ ଅପେକ୍ଷା କରି ରହିଛନ୍ତି । ମୁଖ୍ୟମନ୍ତ୍ରୀଙ୍କ ଝାରସୁଗୁଡା ଗ୍ରସ୍ତ ନେଇ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏୟାରପୋର୍ଟଠାରୁ ଅମିଲିପାଲି ପଡିଆ ସଭାସ୍ଥଳ ପର୍ଯ୍ୟନ୍ତ ପୋଲିସ ଛାଉଣୀ କରାଯାଇଛି । ମୁଖ୍ୟମନ୍ତ୍ରୀଙ୍କ ପ୍ରୋଟୋକଲ ଅନୁସାରେ ଜେଡ ପ୍ଳସ ସୁରକ୍ଷା ବ୍ୟବସ୍ଥା କରିଛି ଝାରସୁଗୁଡା ପୋଲିସ । ସୁରକ୍ଷା ଦାୟିତ୍ୱରେ ରହିଛନ୍ତି ୨୨ ପ୍ଳାଟୁନ ପୋଲିସ ଫୋର୍ସ ।

ବାହାର ଜିଲ୍ଲାରୁ ବଛାବଛା ୧୦୦ ଅଫିସରଙ୍କୁ ମୁତୟନ କରାଯାଇଛି । ୧୦୦ ରୁ ଅଧିକ ହୋମଗାର୍ଡଙ୍କ ସହ ଅର୍ଦ୍ଧସାମରିକ ବାହିନୀ ଏୟାରପୋର୍ଟ ଠାରୁ ସଭାସ୍ଥଳ ପର୍ଯ୍ୟନ୍ତ ନିୟୋଜିତ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆସନ୍ତାକାଲି ଗସ୍ତ ପରେ ଵିଜେଡିର ଶକ୍ତି ଆହୁରି ବୃଦ୍ଧି ପାଇଵ ବୋଲି ବିଜେଡି କହିଛି ।